vazhoor news update:വാഴൂർ എന്ന കൊച്ചു ഗ്രാമത്തിൽ നിന്ന് ആരോഗ്യരംഗത്തേക്ക് ഒരു യുവ ഡോക്ടർ കൂടി

 

വാഴൂർ:  വാഴൂർ ഗ്രാമപഞ്ചായത്ത് കോട്ടയം ജില്ലയിൽ മികച്ച പഞ്ചായത്തുകളിൽ ഒന്നാണ്.  കൂടാതെ വാഴൂര് വിദ്യാഭ്യാസ, ആരോഗ്യ, ഭൂപ്രകൃതി എല്ലാം മറ്റു പഞ്ചായത്തുകളിൽ നിന്നും വ്യത്യസ്തമാണ്.   വാഴൂർ എന്ന ഈ കൊച്ചു ഗ്രാമത്തിൽ നിന്ന് നിരവധി പ്രഗൽഭരായിട്ടുള്ള കലാകാരന്മാരും,  സാമൂഹിക, സാംസ്കാരിക രംഗത്ത്  പ്രവർത്തിക്കുന്നവരും, നിരവധി ടെലിവിഷൻ ചാനലുകളിൽ നിറസാന്നിധ്യം അറിയിച്ചവരും ഉണ്ട്. ആ കൂട്ടത്തിൽ വാഴൂരിന് ആരോഗ്യരംഗത്തേക്ക് ഒരു യുവ ഡോക്ടർ കൂടി.  

കോട്ടയം മെഡിക്കൽ കോളേജ് 2018- 24  ബാച്ചിൽ നിന്ന് ഡോ.ആഷിക്ക് A അബ്ദുൾഖാദർ ആണ്  ഡോക്ടർ ബിരുദം നേടി വാഴൂരിന് അഭിമാനം ആയിരിക്കുന്നത്.  ചാമംപതാൽ കൊച്ചുവലിയവീട്ടിൽ മുഹമ്മദ് അഷറഫിൻ്റേയും, വാഴൂർ ഗ്രാമപഞ്ചായത്തംഗം ഷാനിദബീവിയുടെയും പുത്രനാണ്. ഇളയസഹോദരി ആഷ്ന പോണ്ടിച്ചേരി സെൻട്രൽ യൂണിവേഴ്സിറ്റിയിൽ നിന്നും ഇക്കഴിഞ്ഞ ജൂണിൽ എം.എസ്.സി ഫിസിക്സിൽ ഉയർന്ന മാർക്കു വാങ്ങി വിജയിച്ചിരുന്നു.