രാജ്യത്ത് വരാന്‍ പോകുന്നത് കൊടും വരള്‍ച്ചയുടെ മാസങ്ങളെന്ന് മുന്നറിയിപ്പ്. കേന്ദ്ര കാലാവസ്ഥ വകുപ്പാണ് മുന്നറിയിപ്പ് നല്‍കുന്നത്. രാജ്യത്തിന്റെ പല ഭാഗങ്ങളിലും താപനില സാധാരണയും കൂടുതലായിരിക്കുമെന്ന് പറയുന്നു. 123 വര്‍ഷത്തിനുള്ളില്‍ ഇന്ത്യയില്‍ മൂന്നാമത്തെ ചൂടേറിയ നവംബര്‍ ആണ് കഴിഞ്ഞുപോയതെന്നാണ് റിപ്പോര്‍ട്ട്. പകല്‍ സമയത്ത് രാജ്യത്ത് പലയിടങ്ങളിലും 24 മുതല്‍ 28 ഡിഗ്രി സെല്‍ഷ്യസ് വരെയാണ് താപനില. മഞ്ഞുകാലമായിരുന്നിട്ട് പോലും മുന്‍കാലങ്ങളെ അപേക്ഷിച്ച് താപനില കൂടാനാണ് സാധ്യതയെന്നും കാലാവസ്ഥ വകുപ്പ് പറയുന്നു.
അതേ സമയം സംസ്ഥാനത്ത് മഴ മുന്നറിയിപ്പിൽ മാറ്റം. ഒറ്റപ്പെട്ടയിടങ്ങളിൽ മഴ തുടരും. ഒരു ജില്ലകളിലും പ്രത്യേക മഴ മുനന്നറിയിപ്പില്ല. കൂടാതെ അടുത്ത 3 മണിക്കൂറിൽ കേരളത്തിലെ 2 ജില്ലകളിൽ ഒറ്റപ്പെട്ടയിടങ്ങളിൽ മഴ സാധ്യത. തിരുവനന്തപുരം, കൊല്ലം ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
