പത്തനംതിട്ട | സ്വന്തം ലേഖകൻ
പത്തനംതിട്ട: തണ്ണിത്തോട് സെന്റ് ബനിഡിക്കസ് ഹൈസ്കൂൾ കെട്ടിടത്തിന്റെ മേൽക്കൂര ശക്തമായ കാറ്റിൽ പറന്നുപോയി.
ഇന്ന് ഉച്ചയ്ക്ക് 12:30-ഓടെ ആയിരുന്നു സംഭവം.ജില്ലയിൽ ശക്തമായ മഴയും കാറ്റും വീശിയടിച്ച സമയത്താണ് അപകടമുണ്ടായത്. മേൽക്കൂര പൂർണമായും ഇളകി തെറിച്ച് സമീപത്തെ വീട്ടുപറമ്പിലേക്ക് വീഴുകയായിരുന്നു.
.jpeg)
ഞായറാഴ്ച ആയിരുന്നതിനാൽ സ്കൂളിൽ ക്ലാസുകൾ പ്രവർത്തിച്ചിരുന്നില്ല. വിദ്യാർത്ഥികൾ ഇല്ലാതിരുന്നത് വൻ ദുരന്തം ഒഴിവാക്കി. അപകടസമയത്ത് ആരും പരിസരത്ത് ഇല്ലാതിരുന്നതിനാൽ ആളപായം റിപ്പോർട്ട് ചെയ്തിട്ടില്ല.പത്തനംതിട്ട ജില്ലയിൽ കഴിഞ്ഞ ദിവസങ്ങളിൽ കനത്ത മഴയും കാറ്റും തുടരുകയാണ്. നാശനഷ്ടങ്ങളുടെ കണക്ക് എടുത്ത് വരുന്നതേയുള്ളൂവെന്ന് അധികൃതർ അറിയിച്ചു.
Pathanamthitta, Kerala Rains, School News, Breaking News, തണ്ണിത്തോട്
