വാഴൂർ: ജനകീയ ആസൂത്രണ പദ്ധതി 2026-27 വർഷത്തെ രണ്ടാം വാർഡ് ഗ്രാമസഭ ജൂൺ 29 തിങ്കളാഴ്ച ചേരും. ഉച്ചയ്ക്ക് 2.30ന് വാഴൂർ പതിനഞ്ചാം മൈലിലെ പെൻഷൻ ഭവനിലാണ് യോഗം.ഗ്രാമപഞ്ചായത്ത് പ്രസിഡന്റ് പ്രൊഫ. എസ്. പുഷ്പല ദേവി ഉദ്ഘാടനം ചെയ്യും. വൈസ് പ്രസിഡന്റും രണ്ടാം വാർഡ് മെമ്പറുമായ മനോജ് ചാക്കോ അധ്യക്ഷത വഹിക്കും.
ഗ്രാമസഭ അജണ്ട
വ്യക്തിഗത ആനുകൂല്യങ്ങളുടെ ഗുണഭോക്തൃ പട്ടിക അംഗീകരിക്കൽ, വരവ്-ചെലവ് കണക്ക്, ഓഡിറ്റ് റിപ്പോർട്ട് അവതരണം, സാമൂഹ്യ സുരക്ഷാ പെൻഷൻ പട്ടിക, മുഖ്യമന്ത്രിയുടെ സ്ത്രീ സുരക്ഷാ പദ്ധതി പട്ടിക എന്നിവയാണ് പ്രധാന അജണ്ട.മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, മഴക്കാല ശുചീകരണം തുടങ്ങിയ വിഷയങ്ങളും ചർച്ചയാകും.ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺമാർ, വിവിധ വാർഡ് മെമ്പർമാർ എന്നിവർ പങ്കെടുക്കും. രണ്ടാം വാർഡിലെ മുഴുവൻ കുടുംബാംഗങ്ങളും ഗ്രാമസഭയിൽ എത്തണമെന്ന് മനോജ് ചാക്കോ അഭ്യർത്ഥിച്ചു.
