വാഴൂർ: ഗ്രാമപഞ്ചായത്തിലെ ജനകീയാസൂത്രണ പദ്ധതി 2021-22 പ്രകാരം ക്ഷീര കർഷകർക്ക് കാലിത്തീറ്റ വിതരണം പദ്ധതിക്ക് തുടക്കം കുറിച്ചു.15 ലക്ഷം രൂപയുടെ കാലിത്തീറ്റയാണ് പദ്ധതി പ്രകാരം വിതരണം ചെയ്യുന്നത്. അപ്ക്കോസിൻ്റെ കീഴിലുള്ള സൊസൈറ്റുകളിൽ പാൽ നൽകുന്ന ക്ഷീര കർഷകർക്ക് പാലിനു സബ്സിഡിയായി 20 ലക്ഷം രൂപയും ബ്ലോക്ക് ജില്ലാ പഞ്ചായത്തുകളുടെ സഹകരണത്തോടുകൂടി വാഴൂർ ഗ്രാമപഞ്ചായത്ത് നടപ്പിലാക്കുന്നുണ്ട്.
കാലിത്തീറ്റ വിതരണ ത്തിൻ്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡൻറ് മുകേഷ് കെ മണി നിർവ്വഹിച്ചു. ഗ്രാമപഞ്ചായത്ത് പ്രസിഡണ്ട് വി പി റജി അധ്യക്ഷത വഹിച്ച യോഗത്തിൽ ഗ്രാമ പഞ്ചായത്ത് വൈസ് പ്രസിഡണ്ട് സിന്ധു ചന്ദ്രൻ ബ്ലോക്ക് പഞ്ചായത്ത് വൈസ് പ്രസിഡൻറ് രഞ്ജിനി ബേബി സ്ഥിരം സമിതി അധ്യക്ഷൻ മാരായ തോമസ് വെട്ടുവേലിൽ,ഡി സേതുലക്ഷ്മി ശ്രീകാന്ത് പി തങ്കച്ചൻ,ബ്ലോക്ക് ക്ഷീര വികസന ഓഫീസർ ഷിഹാബുദ്ദീൻ മെമ്പർമാരായ സുബിൻനെടുമ്പുറം, സൗദാ ഇസ്മയിൽ ഡെൽമ ജോർജ് ഷാനിദ അഷറഫ്, അജിത് കുമാർ എസ്, ക്ഷീര സംഘം സെക്രട്ടറിമാരായ അനിത, ജസി ജോസ് എന്നിവർ സംസാരിച്ചു.
