കോട്ടയം പാമ്പാടിയിൽ മാല വാങ്ങാനെന്ന വ്യാജേന എത്തിയ യുവാവ് ജൂവലറിയിൽ നിന്ന് സ്വർണ്ണം കവർന്നു.പാമ്പാടി താലൂക്ക് ഹോസ്പിറ്റലിനു സമീപം കൈയ്യാലപ്പറമ്പിൽ ജൂവലറിയിലാണ് ഇന്നലെ വൈകുന്നേരം മോഷണം നടന്നത്. യുവാവ് മാല വാങ്ങാനാണെന്ന് പറഞ്ഞതു പ്രകാരം സ്വർണ്ണമാലകൾ തെരഞ്ഞെടുക്കാനായി നൽകി. എന്നാൽ, ഉടമ അകത്തേയ്ക്ക് കയറിയ സമയത്ത് ഇയാൾ സ്വർണ്ണാഭരണങ്ങളുമായി സ്കൂട്ടറിൽ കടന്നു കളയുകയായിരുന്നു.
മോഷണ ദൃശ്യങ്ങൾ സിസി ടിവിയിൽ പതിഞ്ഞിട്ടുണ്ട്. കാഞ്ഞിരപ്പള്ളി ഡിവൈഎസ്പിയുടെ നേതൃത്വത്തിൽ പാമ്പാടി പോലീസ് കേസെടുത്ത് അന്വേഷണം ആരംഭിച്ചു. ഇയാൾ ധരിച്ചിരിക്കുന്ന വസ്ത്രം ഏതെങ്കിലും കടയിലെ യൂണിഫോം ആണോ എന്ന് സംശയം പോലീസ് നൽകുന്നുണ്ട്. ഈ സാഹചര്യത്തിൽ യുവാവിനെയോ, ഈ യൂണിഫോം ഏതെങ്കിലും കടകളിൽ ഉള്ളതായി അറിയാവുന്നവരോ പാമ്പാടി പോലീസ് സ്റ്റേഷനുമായി ബന്ധപ്പെടണമെന്നും അറിയിപ്പ് നൽകിയിട്ടുണ്ട്.
ഫോൺ:04812505322, 9497987079, 9497980340.
cred:വാർത്താ നേരം
 |
| Group56 |
