ഇടുക്കിയില് കുരങ്ങുകളിലും കാട്ടുപന്നികളിലും കാണപ്പെടുന്ന പേന് പെരുകുന്നു. നെടുങ്കണ്ടത്ത് പേനിന്റെ കടിയേറ്റ് 40 പേര് ചികിത്സ തേടി. പൊന്നാമല മേഖലയിലെ ആറ് കുടുംബങ്ങളിലുള്ളവര്ക്കാണ് പേനിന്റെ കടിയേറ്റത്. ഇവരുടെ ശരീരമാസകലം മുറിവേറ്റു. പ്രദേശത്തെ കാപ്പി, കുരുമുളക് തോട്ടങ്ങളില് തൊഴില് ചെയ്യുന്നവരാണ് എല്ലാവരും.വനമേഖലയില് വിറക് ശേഖരിക്കാന് പോയപ്പോഴാണ് പേനിന്റെ കടിയേറ്റത്. കുട്ടികളടക്കമുള്ളവര്ക്ക് പേനിന്റെ കടിയേറ്റ് ശരീരത്തില് അസഹനീയമായ ചൊറിച്ചില് അനുഭവപ്പെട്ടു.
മുറിവുകളുണ്ടായി. പൊന്നാമല പ്രദേശവും സമീപ പ്രദേശങ്ങളും ആരോഗ്യവകുപ്പിന്റെ നിരീക്ഷണത്തിലാണ്.പേനിന്റെ കടിയേറ്റ ഭാഗം ചുവന്ന് തടിയ്ക്കുകയും ഒരാഴ്ചയോളം അസഹ്യമായ ചൊറിച്ചില് അനുഭവപ്പെടുകയും ചെയ്യും. ആക്രമണം രൂക്ഷമായ മേഖലയില് പട്ടം കോളനി പ്രാഥമിക ആരോഗ്യ കേന്ദ്രത്തിന്റെ നേതൃത്വത്തില് മെഡിക്കല് ക്യാമ്പ് നടത്തി. പനിയോ മറ്റ് ലക്ഷണങ്ങളോ ഉള്ളവര് മുണ്ടിയെരുമ കുടുംബാരോഗ്യ കേന്ദ്രത്തിലെത്തണമെന്ന് മെഡിക്കല് ഓഫീസര് അറിയിച്ചു.
 |
| Group56 |
