ഏറ്റുമാനൂർ തവളക്കുഴിയിൽ പെട്രോൾ പമ്പിന് എതിർവശത്ത് നിയന്ത്രണം വിട്ട കാർ റോഡരികിൽ അടുക്കി വെച്ചിരുന്ന മത്സ്യം കൊണ്ടുവരുന്ന പെട്ടികൾക്കിടയിലേയ്ക് ഇടിച്ചുകയറി അപകടം. ഇന്നലെ ഉച്ചകഴിഞ്ഞ് രണ്ടരയോടെയാണ് അപകടമുണ്ടായത്.
സ്ത്രീകൾ യാത്ര ചെയ്തിരുന്ന കാറാണ് അപകടത്തിൽ പെട്ടത്. റോഡരികിലുണ്ടായിരുന്ന പെട്ടി ഓട്ടോറിക്ഷയിൽ ഇടിച്ചശേഷമാണ് കാർ മീൻ പെട്ടികൾക്കിടയിലേയ്ക് ഇടിച്ചു കയറിയത്. ആർക്കും പരിക്കുകളില്ല.അപകടത്തിൽ പെട്ടി ഓട്ടോറിക്ഷയ്ക്കും ചെറിയ തകരാറുകൾ സംഭവിച്ചിട്ടുണ്ട്. കാർ തിരിച്ചപ്പോൾ, പെട്ടെന്ന് നിയന്ത്രണം തെറ്റിയതാണ് അപകടത്തിന് കാരണമായതെന്ന് കാർ യാത്രക്കാർ പറഞ്ഞു.
