കങ്ങഴ, വെള്ളാവൂര് പഞ്ചായത്തുകളിലൂടെ കടന്നുപോകുന്ന പ്ലാക്കല്പടി വെള്ളാവൂര് റോഡ് ആധുനിക നിലവാരത്തില് നവീകരിക്കുന്നതിന് മുന്നോടിയായി വിവിധ വകുപ്പ് ഉദ്യോഗസ്ഥരുടെ സംയുക്ത പരിശോധന നടത്തിയതായി ചീഫ് വിപ്പ് ഡോ.എന്.ജയരാജ് അറിയിച്ചു. 10.39 കോടി രൂപയാണ് പദ്ധതിയുടെ നിര്മ്മാണ ചെലവ്.
പ്രവര്ത്തിക്ക് ശേഷം അടുത്ത അഞ്ച് വര്ഷത്തേക്കുള്ള പരിപാലനത്തിന് ആവശ്യമായ തുക കൂടി അധികമായി ഉള്പ്പെടുത്തിയിട്ടുണ്ട്.
.jpeg)
സംയുക്തപരിശോധനയില് ചീഫ് വിപ്പ് എന് ജയരാജ്, കങ്ങഴ, വെള്ളാവൂര് പഞ്ചായത്തുകളിലെയും വാഴൂര് ബ്ലോക്ക് പഞ്ചായത്തിലെയും ജനപ്രതിനിധികളായ ശ്രീജിത്ത്, എസ് എച്ച് ഷിയാസ്, ഷിബു, വിജയ ശ്രീകുമാര്, ചന്ദ്രകലാ മോഹനന്, റോഡ് വികസന സമിതി പ്രവര്ത്തകരായ ബിജു പാലത്താനി, നൗഷാദ് വെള്ളാപ്പള്ളി എന്നിവരും പി എം ജി എസ് വൈ, വാട്ടര് അതോറിറ്റി,
കെ എസ് ഇ ബി, ബി എസ് എന് എല് ഉദ്യോഗസ്ഥരും പങ്കെടുത്തു. എത്രയും വേഗം നടപടികള് പൂര്ത്തിയാക്കി നിര്മ്മാണ പ്രവര്ത്തി ആരംഭിക്കാനാകുമെന്നും റോഡ് അടിയന്തരമായി ഗതാഗതയോഗ്യമാക്കാനാകുമെന്നും പ്രതീക്ഷിക്കുന്നതായി ചീഫ് വിപ്പ് അറിയിച്ചു.
