ലോകഹൃദയാരോഗ്യ സംരക്ഷണ ദിനത്തോടനുബന്ധിച്ച് വാഴൂർ ഗ്രാമപഞ്ചായത്ത് ഹെൽത്ത് സെന്ററിന്റെ ആഭിമുഖ്യത്തിൽ സെമിനാറും യോഗയും സംഘടിപ്പിച്ചു .
വാഴൂർ ഗ്രാമപഞ്ചായത്ത് കമ്മ്യൂണിറ്റി ഹാളിൽ നടന്ന പ്രോഗ്രാം ഗ്രാമപഞ്ചായത്ത് പ്രസിഡൻറ് വി പി റെജി ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർമാൻ ശ്രീകാന്ത് പി തങ്കച്ചൻ അധ്യക്ഷത വഹിച്ചു.
തുടർന്ന് രക്ത നിർണ്ണയ ക്യാമ്പും, ആയുർവേദ ഡോക്ടർ ശ്രീമോൾ ബി യോഗ ക്ലാസും നയിച്ചു. വാഴൂർ എസ് വി ആർ വി എൻഎസ്എസ് സ്കൂളിലെ നാഷണൽ സർവീസ് സ്കീം വളണ്ടിയർമാർ യോഗ ക്ലാസിൽ പങ്കെടുത്തു.
ഹൃദയസംരക്ഷണത്തിനുവേണ്ട അടിസ്ഥാനകാര്യങ്ങള്‍ ഇവയാണ്:
കാര്‍ബോഹൈഡ്രേറ്റ്, എണ്ണ എന്നിവ കുറഞ്ഞതും പ്രോട്ടീന്‍ കൂടിയതുമായ ആഹാരരീതി സ്വീകരിക്കുക. ആഴ്ചയില്‍ അഞ്ചു ദിവസമെങ്കിലും അരമണിക്കൂര്‍ വീതം നടക്കുക. പുകവലി ഒഴിവാക്കുക. ശരീര ഭാരം നിയന്ത്രിക്കുക. ബ്ലഡ്പ്രഷറും ഷുഗറും അധികമാവാതെ ശ്രദ്ധിക്കുക. മത്സ്യമാംസാഹാരങ്ങള്‍, മധുരവും എണ്ണയുമടങ്ങിയ ഭക്ഷണങ്ങളും അമിതമായി കഴിക്കാതിരിക്കുക. ഭയങ്കരമായ മാനസിക സംഘര്‍ഷങ്ങള്‍ക്ക് ഇട നല്‍കതിരിക്കുക. എല്ലാ കാര്യത്തിലും പെര്‍ഫെക്ഷ്ന്‍ വേണം എന്ന കടുംപിടിത്തം മാറ്റുക.
കൊളസ്‌ട്രോള്‍ വര്‍ദ്ധിപ്പിക്കുന്ന ഭക്ഷണങ്ങള്‍ ഒഴിവാക്കുക.കൊളസ്‌ട്രോള്‍ ഹൃദയാഘാതത്തിന് കാരണമാകും. ക്രമം തെറ്റിയ ആഹാര രീതി തുടരുന്ന യുവാക്കളിലും ഹൃദയാഘാതത്തിന് സാദ്ധ്യത ഏറെയാണ്.
