 |
| ഗൂഗിൾ ന്യൂസിലും വാർത്തകൾ വായിക്കാം |
ദേശീയപാതയിൽ വാഴൂർ നെടുമാവ് ജംഗ്ഷനിലെ ബദാം മരത്തിന് ചുവട്ടിൽ സാമൂഹ്യവിരുദ്ധർ തീയിട്ടുനശിപ്പിച്ചത് വാർത്തയായിരുന്നു.
ഫോറസ്റ്റ് അധികൃതർക്ക് ജില്ലാ ട്രീ കമ്മിറ്റി അംഗവും പരിസ്ഥിതി പ്രവർത്തകനുമായ കെ ബിനു പരാതി നൽകിയതിൻ്റെ അടിസ്ഥാനത്തിൽ പൊൻകുന്നം സ്പെഷ്യൽ ഫോറസ്റ്റ് ഓഫീൽ നിന്നും ഫോറസ്റ്റ് റേഞ്ച് ഓഫീസർ ഹരികുമാർ , ഫോറസ്റ്റ് സെക്ഷൻ ഓഫീസർ അരുൺ ജി നായർ ,പരിസ്ഥിതി പ്രവർത്തകൻ കെ ബിനു തുടങ്ങിയവർ സ്ഥലം സന്ദർശിച്ചു.
ഇതു കൂടാതെ നെടു മാവിലെ 15 വർഷം പഴക്കമുണ്ടായിരുന്ന കമ്പകo രണ്ട് എണ്ണം, വഴിയോര തണൽ പദ്ധതിയുടെ ഭാഗമായി നട്ടുവളർത്തിയ രണ്ട് മഹാഗണി ഇവ കഴിഞ്ഞ വർഷം തീ ഇട്ടു നശിപ്പിച്ചിരുന്നു. ഉഷ്ണതരംഗം അനുഭവപ്പെടുന്ന കേരളത്തിൽ അവശേഷിക്കുന്ന മരങ്ങൾ കൂടി ചില സാമൂഹ്യ വിരുദ്ധർ തീ ഇട്ട് നശിപ്പിക്കുകയാണ്.
വഴിയോരങ്ങളിൽ ചൂടിന് അല്പം ആശ്വാസമായി നിൽക്കുന്ന വൃക്ഷങ്ങളെ സംരക്ഷിക്കാതെ നശിപ്പിക്കുന്ന പ്രവണത മാറ്റി ഭൂമിയെ സംരക്ഷിക്കാൻ നാം തയ്യാറാകണമെന്ന് കെ ബിനു പറഞ്ഞു.
