ഡിസബിലിറ്റി സ്റ്റഡീസിൽ എം.എസ്.സി ബിരുദവും റീഹാബിലിറ്റേഷൻ സൈക്കോളജിയിലും സ്പെഷ്യൽ എഡ്യൂക്കേഷൻ & റീഹാബിലിറ്റേഷൻ സയൻസസിലും എം.ഫിലും സ്പെഷ്യൽ എഡ്യൂക്കേഷൻ ആൻഡ് ബിഹേവിയറൽ സയൻസസിൽ പി.എച്.ഡി യും സൈക്യാട്രിക് സോഷ്യൽ വർക്കിൽ എം. എസ്.ഡബ്ല്യൂ ബിരുദവും ബാബുരാജ് കരസ്ഥമാക്കിയിട്ടുണ്ട്. കേരള ചരിത്രത്തിലെ ആദ്യത്തെ ഭിന്നശേഷിക്കാരനായ ഭിന്നശേഷി കമ്മീഷണറാണ് ഡോ. ബാബുരാജ്.
മഹാത്മാഗാന്ധി യൂണിവേഴ്സിറ്റി സ്കൂൾ ഓഫ് ബിഹേവിയറൽ സയൻസസ് ഡീൻ, ഡയറക്ടർ ഇന്റർയൂണിവേഴ്സിറ്റി സെന്റർ ഫോർ ഡിസെബിലിറ്റി സ്റ്റഡീസ് ഹോണററി ഡയറക്ടർ എന്നീ നിലകളിൽ പ്രവർത്തിച്ചിട്ടുണ്ട്.
ഭിന്നശേഷി കോർപ്പറേഷൻ ചെയർമാന് പിന്നാലെ കമ്മീഷണറായും ഭിന്നശേഷിക്കാരനെ നിയമിച്ചു കൊണ്ട് കേരള സർക്കാർ ഭിന്നശേഷി മേഖലയിൽ മാതൃകാപരമായ പ്രവർത്തനങ്ങൾ നടപ്പിലാക്കുകയാണ്.
