മറൈ൯ ഡ്രൈവിൽ നടക്കുന്ന 21-ാമത് ബാംബൂ ഫെസ്റ്റിലെത്തിയാൽ ഏതൊരാളുടേയും കണ്ണ് ആദ്യം ഉടക്കുക തൂങ്ങിക്കിടക്കുന്ന ക്രിസ്മസ് സ്റ്റാറുകളിലേയ്ക്കും വിളക്കുകളിലേയ്ക്കുമാകും. ഇത്തവണ പുൽക്കൂട് ഉൾപ്പടെ ക്രിസ്മസിനെ വരവേൽക്കാനുള്ള നിരവധി ഉൽപ്പന്നങ്ങളാണ് മേളയിലുള്ളത്.
വിവിധ തരം നക്ഷത്രങ്ങളിൽ ചണത്തിൽ നി൪മിച്ചവയാണ് ഏറ്റവും ആക൪ഷണീയം. ആദ്യ ദിവസം തന്നെ 10,000 രൂപയ്ക്ക് മുകളിലാണ് ഇവയുടെ വിൽപ്പന നടന്നത്. വയനാട് മേപ്പാടിയിൽ നിന്നുള്ള ഗ്ലോബൽ ബാംബൂ ഇ൯സ്റ്റിറ്റ്യൂട്ടിൽ നിന്നാണ് ഇത്തവണ ചണം കൊണ്ട് നി൪മിച്ച സ്റ്റാ൪ എത്തിയിട്ടുള്ളത്. ഒരു ദിവസം ഒരാൾക്ക് പരമാവധി രണ്ടെണ്ണം മാത്രമേ നി൪മിക്കാ൯ കഴിയൂവെന്ന് ജീവനക്കാ൪ പറയുന്നു. 1000 രൂപയാണ് വിലയെങ്കിലും ആവശ്യക്കാ൪ക്ക് വിലയിൽ അൽപ്പം കുറച്ചും കൊടുക്കാറുണ്ട്. ജൂട്ട് കൊണ്ട് നി൪മിച്ച പൂക്കളും ഇതിനോടൊപ്പമുണ്ട്.
മുള കൊണ്ട് മാത്രം നി൪മിച്ച സ്റ്റാറുകളും മറ്റ് സ്റ്റാളുകളിലുണ്ട്. ഓയിൽ പേപ്പറിനും തുണിക്കുമൊപ്പം മുളകൊണ്ട് നി൪മിച്ച സ്റ്റാറുകൾക്ക് വലുപ്പത്തിനനുസരിച്ച് 1000 രൂപ മുതൽ 3000 രൂപ വരെ വില വരും. മുളകൊണ്ട് മാത്രം നി൪മിച്ച നക്ഷത്രങ്ങൾക്ക് വില അൽപ്പം കൂടുതലാണെങ്കിലും ആവശ്യക്കാ൪ ഏറെയാണ്.ചൂരൽ കൊണ്ടുള്ള ക്രിസ്മസ് സാധനങ്ങളാണ് ആക൪ഷകമായ മറ്റൊരു ഇനം.
കഴിഞ്ഞ വ൪ഷം ഫ൪ണിച്ചറുകളും മറ്റുമായിരുന്നുവെങ്കിൽ ഇത്തവണ വൈറ്റില സ്വദേശി വ൪ഗീസ് ജോബ് മേളയ്ക്കെത്തിയത് നിറയെ ക്രിസ്മസ് ഉൽപ്പന്നങ്ങളുമായാണ്. ആദ്യ ദിവസം തന്നെ പുൽക്കൂടും നക്ഷത്രവും എല്ലാം വിറ്റു തീ൪ന്നു. നക്ഷത്രങ്ങൾക്ക് ആവശ്യക്കാ൪ ഏറെയാണ്. ഏറെ കാലം കേടു കൂടാതെ നിൽക്കും എന്നതാണ് ചൂരൽ നക്ഷത്രത്തിലേക്ക് ഏവരെയും ആക൪ഷിക്കുന്നതെന്ന് വ൪ഗീസ് പറയുന്നു. 600 മുതൽ 2000 വരെയാണ് ചൂരൽ നക്ഷത്രങ്ങളുടെ വില.
ചൂരലിന്റെ ക്രിസ്മസ് ട്രീയ്ക്കും ആവശ്യക്കാ൪ ഏറെയാണ്. 250 മുതൽ മുകളിലേയ്ക്കാണ് ക്രിസ്മസ് ട്രീയുടെ വില. കൂടാതെ ക്രിസ്മസിന് ഇണങ്ങുന്ന തരത്തിലുള്ള മണികളും ലാംപ് ഷെയ്ഡുകളും ഇവരുടെ സ്റ്റാളിലുണ്ട്. ഡിസംബ൪ 7ന് ആരംഭിച്ച മേള ഡിസംബ൪ 12ന് അവസാനിക്കും. രാവിലെ 10.30 മുതൽ രാത്രി 8.30 വരെയാണ് പ്രവേശനം. മേളയിൽ പ്രവേശനം സൗജന്യമാണ്.
മറൈ൯ ഡ്രൈവിൽ നടക്കുന്ന 21-ാമത് ബാംബൂ ഫെസ്റ്റിലെത്തിയാൽ ഏതൊരാളുടേയും കണ്ണ് ആദ്യം ഉടക്കുക തൂങ്ങിക്കിടക്കുന്ന ക്രിസ്മസ് സ്റ്റാറുകളിലേയ്ക്കും വിളക്കുകളിലേയ്ക്കുമാകും. ഇത്തവണ പുൽക്കൂട് ഉൾപ്പടെ ക്രിസ്മസിനെ വരവേൽക്കാനുള്ള നിരവധി ഉൽപ്പന്നങ്ങളാണ് മേളയിലുള്ളത്..jpeg)
