job news kottayam:കോട്ടയം ജില്ലയിൽ ട്രെയിനർ, സ്‌കിൽ സെന്റർ അസിസ്റ്റന്റ് ഒഴിവ്- അപേക്ഷിക്കാം

 കോട്ടയം ജില്ലയിൽ എസ്.എസ്.കെ. സ്റ്റാർസ് പദ്ധതിയിൽ ഉൾപ്പെട്ട 14 സ്‌കിൽ ഡെവലപ്‌മെന്റ് സെന്ററുകളിലേക്ക് ട്രെയിനർ, സ്‌കിൽ സെന്റർ അസിസ്റ്റന്റ് എന്നീ തസ്തികകളിൽ യോഗ്യരായ ഉദ്യോഗാർഥികളിൽ നിന്ന് അപേക്ഷ ക്ഷണിക്കുന്നു.

യോഗ്യത: ട്രെയിനർ-സ്‌കിൽ കൗൺസിൽ അംഗീകരിച്ച ട്രെയിനർ യോഗ്യത. സ്‌കിൽ സെന്റർ അസിസ്റ്റന്റ്- ബന്ധപ്പെട്ട സ്‌കിൽ മേഖലയിൽ വി.എച്ച്.എസ്.ഇ/എൻ.എസ്.ക്യൂ.എഫ്. ജയം. യോഗ്യരായവർ ബയോഡേറ്റ, യോഗ്യത സർട്ടിഫിക്കറ്റുകളുടെ സ്വയംസാക്ഷ്യപ്പെടുത്തിയ പകർപ്പുകൾ എന്നിവ സഹിതം ഡിസംബർ 28 നകം എസ്.എസ്.കെ. കോട്ടയം ജില്ലാ ഓഫീസിൽ നേരിട്ടോ തപാലിലോ അപേക്ഷ നൽകണം. വിലാസം: ജില്ലാ പ്രോജക്ട് കോ-ഓർഡിനേറ്റർ, സമഗ്രശിക്ഷാ കേരളം, കോട്ടയം, വിദ്യാഭ്യാസ സമുച്ചയം, വയസ്‌ക്കരക്കുന്ന്, കോട്ടയം -686001. വിശദവിവരത്തിന് ഫോൺ: 0481 2581221.