2007 മുതല് വാഹനം ഓടിക്കാന് തുടങ്ങിയതാണ്. ഇനി ഈ ജോലി ചെയ്യില്ല. എനിക്ക് ലൈസന്സും വേണ്ട. ഒരു ബൈക്ക് പോലും ഇനി ഓടിക്കാനില്ല. കെ. എസ്. ആര്. ടി. സി. ബസ് ഡ്രൈവര് ചെയ്ത കുറ്റത്തിന് ശിക്ഷിക്കപ്പെട്ട സ്വകാര്യ ബസ് ഡ്രൈവര് കോരുത്തോട് സ്വദേശി സിബി ഏറെ വിഷമത്തോടെ പറഞ്ഞ വാക്കാണിത്. മകന്റെ ചികിത്സയുടെ ആവശ്യത്തിനായി കോട്ടയം മെഡിക്കല് കോളജ് ആശുപത്രിയില് നില്ക്കുമ്ബോഴാണ് മോട്ടോര് വാഹന വകുപ്പിന്റെ കോട്ടയത്തെ ഓഫീസില് നിന്നും വിളി വരുന്നത്. അവിടെ വേഗം തന്നെ എത്തിയപ്പോഴാണ് കെ. എസ്. ആര്. ടി. സി. ബസ് ഡ്രൈവര്ക്കൊപ്പം തന്റെയും ലൈസന്സ് സസ്പെന്ഡ് ചെയ്യുകയാണെന്ന് ഉദ്യോഗസ്ഥര് പറഞ്ഞത്്. അവിടെ നിന്നു കരഞ്ഞു കൊണ്ട് അപേക്ഷിച്ചിട്ടും തന്നോട് ഒരു ദയയും കാട്ടിയില്ല. ഇനിയും ജീവിക്കുന്നതിനായി ഒരു ജോലി എങ്ങനെ കണ്ടെത്തുമെന്ന് അറിയില്ല.
