വാഴൂർ : വാഴൂർ ബ്ലോക്ക് പഞ്ചായത്ത് വാർഷിക പദ്ധതിയുടെ ഭാഗമായി, ബ്ലോക്ക് പഞ്ചായത്ത് നിയന്ത്രണത്തിലുള്ള കറുകച്ചാൽ , ഇടയിരിക്കപ്പുഴ കുടുംബാരോഗ്യ കേന്ദ്രങ്ങളിലും, കാഞ്ഞിരപ്പള്ളി ജനറൽ ആശുപത്രിയിലും എത്തുന്ന പൊതുജനങ്ങൾക്ക് കുറഞ്ഞ നിരക്കിൽ കുടിവെള്ളം ലഭ്യമാക്കുന്നതിന് വാട്ടർ എ ടി എം സജ്ജമാക്കി.എ റ്റി എമ്മിൽ 1 രൂപ ഇട്ടാൽ 1 ലിറ്റർ കുടിവെള്ളം ലഭിക്കും. ക്യു ആർ കോഡ് സൗകര്യവും ഉണ്ട്. 6 ലക്ഷം രൂപ ചിലവഴിച്ചാണ് 3 എ റ്റി എമ്മുകൾ സ്ഥാപിച്ചത്. 1500 ലധികം ആളുകൾ ദിവസവും എത്തുന്ന കാഞ്ഞിരപ്പള്ളി ജനറൽ ആശുപത്രിയിൽ, രോഗികൾക്കും കൂട്ടിരുപ്പുകാർക്കും ഈ പദ്ധതി വളരെ ആശ്വാസകരമാകും.
