ദിവസവും വിദ്യാർത്ഥികൾ അടക്കം നിരവധി യാത്രക്കാർ വന്നു പോകുന്ന അനുഗ്രഹ ജംഗ്ഷനിൽ കാത്തിരിപ്പ് കേന്ദ്രം നിർമ്മിക്കണമെന്ന നിവേദനവുമായി പല തവണ അധികൃതരെ നാട്ടുകാർ സമീപി വെങ്കിലും പരിഗണിക്കപ്പെടാതെ പോയതിനാൽ ഇവിടെയുള്ള ഓട്ടോ റിക്ഷാ തൊഴിലാളികളുടെ നേതൃത്വത്തിൽ മുള കൊണ്ടും മറ്റും ഒരു താൽക്കാലിക കാത്തിരിപ്പ് കേന്ദ്രം നിർമ്മിച്ചിരുന്നു.
എന്നാൽ കാലപ്പഴക്കത്തിൽ ബലക്ഷയമായപ്പോൾ നാട്ടുകാരുടെ ആവശ്യപ്രകാരം സി.എം.ഐ സഭ ഇവിടെ മനോഹരമായ കാത്തിരിപ്പ് കേന്ദ്രം നിർമ്മിച്ചു നൽക്കുകയായിരുന്നു.
.jpeg)
ബസ് കാത്തിരിപ്പ് കേന്ദ്രത്തിന്റെ ഉദ്ഘാടനം വാഴൂർ ഗ്രാമ പഞ്ചായത്ത് പ്രസിഡന്റ് പുഷ്കല ടീച്ചർ നിർവ്വഹിച്ചു.
സി.എം.ഐ സഭ പ്രൊവിൻഷ്യൽ ഫാ.എബ്രഹാം വെട്ടിയാങ്കൽ, പഞ്ചായത്തംഗങ്ങളായ നിഷാ രാജേഷ്, സി.ജെ ശോശാമ്മ, സൗമ്യ വി സോമൻ, ഫാ.ജോബി മഞ്ഞക്കാലയിൽ ,ഫാ.ജെയിംസ് തുടങ്ങിയവർ പങ്കെടുത്തു.
