kerala election updates: വി എൻ മനോജ്‌ വന്നാൽ ബിജെപിക്ക് സാധ്യതയേറുമോ കാഞ്ഞിരപ്പള്ളിയിൽ..?

 പൊൻകുന്നം : ബിജെപി ഏറെ പ്രതീക്ഷയോടെ ഉറ്റുനോക്കുന്ന മണ്ഡലമാണ് കോട്ടയം ജില്ലയിലെ കാഞ്ഞിരപ്പള്ളി . ബിജെപിക്ക് കോട്ടയം ജില്ലയിൽ ഏറ്റവും കൂടുതൽ വോട്ട് ലഭിച്ച മണ്ഡലവുമാണ് കാഞ്ഞിരപ്പള്ളി.കഴിഞ്ഞ 10 വർഷത്തെ തിരഞ്ഞെടുപ്പ് ചരിത്രം നോക്കിയാൽ 30000 മുതൽ 37000 വരെ വോട്ടുകൾ ലഭിച്ചിട്ടുണ്ട് ബിജെപിക്ക് കാഞ്ഞിരപ്പള്ളിയിൽ.ഇതിൽ നിയമസഭാ മണ്ഡലത്തിലേക്ക് ബിജെപിക്ക് വേണ്ടി ഏറ്റവും അധികം വോട്ടുകൾ നേടിയത് വി എൻ മനോജാണ്. 2016 നടന്ന തെരഞ്ഞെടുപ്പിൽ 32,000 ത്തിനടുത്ത് വോട്ടുകളാണ് മനോജ് നേടിയത്.

അതിനുമുൻപും ശേഷവും ഇത്രയും അധികം വോട്ടുകൾ നിയമസഭാ തിരഞ്ഞെടുപ്പിൽ നേടാൻ വേറെ ഒരു ബിജെപി സ്ഥാനാർഥിക്കുമായിട്ടില്ല.നിലവിൽ വാഴൂർ പഞ്ചായത്ത് മെമ്പറാണ് മനോജ്.മികച്ച പഞ്ചായത്ത് മെമ്പർക്കുള്ള സംസ്ഥാനതല പുരസ്കാരം മുതൽ നിരവധി അംഗീകാരങ്ങൾ മനോജിന് പൊതുപ്രവർത്തനരംഗത്ത് ലഭിച്ചിട്ടുണ്ട്.സാധാരണക്കാരിൽ സാധാരണക്കാരൻ എന്നതും,പൊതുരംഗത്തെ സൗമ്യമായ നിറസാന്നിധ്യമെന്നതും  മത,ജാതി സമവാക്യങ്ങൾ അനുകൂലം എന്നതുമാണ് ഹിന്ദു ഭൂരിപക്ഷ മണ്ഡലമായ കാഞ്ഞിരപ്പള്ളിയിൽ  മനോജിനെ സ്വീകാര്യനാക്കിയത്. 

എന്നാൽ എംഎൽഎ ഡോക്ടർ എൻ,ജയരാജിനും  അദ്ദേഹം നടത്തിയ വികസന പ്രവർത്തനങ്ങൾക്ക് മുൻപിൽ  മനോജ് തിരഞ്ഞെടുപ്പിൽ നിഷ്പ്രഭനാവുകയായിരുന്നു.ഇത്തവണ വി എൻ മനോജിനൊപ്പം കേന്ദ്രമന്ത്രി ജോർജ് കുര്യന്റെയും പേരാണ് ബിജെപി ക്യാമ്പിൽ നിന്നും ഉയർന്നു കേൾക്കുന്നത്.നിലവിൽ വാഴൂർ ഗ്രാമപഞ്ചായത്ത് ഒമ്പതാം വാർഡ് മെമ്പറാണ്.

Cred: Chirakkadavu News