കാട്ടാന ആക്രമണത്തിൽ യുവാവ് മരിച്ചു; വെള്ളറടയ്ക്ക് സമീപം കൃഷിയിടത്തിൽ വെച്ച് കുത്തേറ്റ് മരണം

 കേരള-തമിഴ്നാട് അതിർത്തി മേഖലയായ വെള്ളറടയ്ക്ക് സമീപം പേണുവിൽ കാട്ടാനയുടെ ആക്രമണത്തിൽ യുവാവ് ദാരുണമായി കൊല്ലപ്പെട്ടു. കാഞ്ഞിരംപാറ സ്വദേശി രാജേഷ് (35) ആണ് മരിച്ചത്. നാരായണൻ–ഭവാനി ദമ്പതികളുടെ മകനാണ്.കൃഷിയിടത്തിലേക്ക് എത്തിയ കാട്ടാനയെ വിരട്ടി ഓടിച്ച ശേഷം സമീപത്തെ പാറക്കെട്ടിലേക്ക് കയറി സുരക്ഷിതരാകാൻ ശ്രമിക്കുന്നതിനിടെയായിരുന്നു ആക്രമണം. രാജേഷിനെ കാട്ടാന നെഞ്ചിലും വയറിലും കുത്തിയതോടെ സംഭവസ്ഥലത്തുവച്ചുതന്നെ മരണം സംഭവിച്ചു.പ്രദേശത്ത് ആദ്യമായാണ് കാട്ടാന ഇറങ്ങുന്നത് എന്ന് നാട്ടുകാർ പറയുന്നു. 

ഇത് ജനങ്ങളിൽ വലിയ ഭീതി പരത്തിയിട്ടുണ്ട്.കരിഞ്ചിറ–പേണു മേഖലയിൽ നാല് കാട്ടാനകൾ ആണ് ഇറങ്ങിയത്. ഇതിൽ രണ്ടെണ്ണം വനത്തിലേക്ക് മടങ്ങിയെങ്കിലും രണ്ട് ആനകൾ ഇപ്പോഴും തമിഴ്നാട് അതിർത്തിയോട് ചേർന്ന ജനവാസ മേഖലകളിൽ തുടരുന്നതായാണ് വിവരം.

...തുടരുന്നതായാണ് വിവരം.

കൂടുതൽ വാർത്തകൾ

വനം വകുപ്പ് സ്ഥലത്ത്
വിവരമറിഞ്ഞ്...

വിവരമറിഞ്ഞ് വനം വകുപ്പ് ഉദ്യോഗസ്ഥരും പോലീസും സ്ഥലത്തെത്തി. ആനകളെ വനത്തിലേക്ക് തുരത്താനുള്ള ശ്രമം തുടരുകയാണ്. പ്രദേശവാസികൾ ജാഗ്രത പാലിക്കണമെന്ന് അധികൃതർ അറിയിച്ചു.