%20copy.JPG "പ്രധാനമന്ത്രി ഉജ്ജ്വല യോജന പദ്ധതിയിൽ സബ്സിഡി LPG സിലിണ്ടറുകൾ വർഷം 4 എണ്ണമായി കേന്ദ്ര സർക്കാർ വെട്ടിക്കുറച്ചു. നേരത്തെ 12 എണ്ണം ലഭിച്ചിരുന്നത് 9 ആക്കിയിരുന്നു.")
നേരത്തെ 12 എണ്ണം, പിന്നീട് 9 എണ്ണം; പുതിയ പരിഷ്കാരം പ്രാബല്യത്തിൽ
ന്യൂഡൽഹി: പ്രധാനമന്ത്രി ഉജ്ജ്വല യോജന ഗുണഭോക്താക്കൾക്ക് ലഭിക്കുന്ന സബ്സിഡി പാചകവാതക സിലിണ്ടറുകളുടെ എണ്ണം വർഷം നാലായി പരിമിതപ്പെടുത്തി. പെട്രോളിയം പ്രകൃതിവാതക മന്ത്രാലയം അഡീഷണൽ സെക്രട്ടറി പ്രവീൺ മാൽ ഖനൂജയാണ് ഇക്കാര്യം അറിയിച്ചത്.
പാവപ്പെട്ട കുടുംബങ്ങളിലെ ശരാശരി വാർഷിക ഉപയോഗം കണക്കിലെടുത്താണ് പുതിയ പരിഷ്കാരമെന്ന് സർക്കാർ വിശദീകരിച്ചു.2016 മെയിൽ ആരംഭിച്ച പദ്ധതി പ്രകാരം തുടക്കത്തിൽ പ്രതിവർഷം 12 സിലിണ്ടറുകൾക്കാണ് സബ്സിഡി നൽകിയിരുന്നത്. കഴിഞ്ഞ വർഷം ഇത് ഒമ്പതായി കുറച്ചിരുന്നു. ഇപ്പോൾ വീണ്ടും നാലായി ചുരുക്കിയിരിക്കുകയാണ്.
