കോട്ടയം: കേരള വെളുത്തേടത്തു നായർ സമാജത്തിന്റെ 31-ാമത് കോട്ടയം ജില്ലാ വാർഷിക പ്രതിനിധി സമ്മേളനം ജൂൺ 28ന് പള്ളിക്കത്തോട് പഞ്ചായത്ത് കമ്മ്യൂണിറ്റി ഹാളിൽ നടക്കും.രാവിലെ 10 മണിക്ക് ആരംഭിക്കുന്ന സമ്മേളനം ജലവിഭവ, ഭവന നിർമ്മാണ വകുപ്പ് മന്ത്രി അഡ്വ. മോൻസ് ജോസഫ് ഉദ്ഘാടനം ചെയ്യും. ജില്ലാ പ്രസിഡന്റ് പി. ശിവദാസ് അധ്യക്ഷത വഹിക്കും.
സമുദായത്തോടുള്ള യുഡിഎഫ് സർക്കാരിന്റെ പ്രതിബദ്ധതയിലും പരിഗണനയിലും നന്ദി അറിയിക്കുന്നതായി സംസ്ഥാന പ്രസിഡന്റ് ഇ.എസ്. രാധാകൃഷ്ണൻ വാഴൂരിൽ ചേർന്ന ജില്ലാ കൗൺസിൽ യോഗത്തിൽ പറഞ്ഞു. മുഖ്യമന്ത്രി വി.ഡി. സതീശനും യുഡിഎഫ് സർക്കാരിനും കടപ്പാട് അറിയിക്കുന്നതായും അദ്ദേഹം കൂട്ടിച്ചേർത്തു. ജില്ലാ സെക്രട്ടറി ആർ. സുശീൽ കുമാർ അവതരിപ്പിച്ച നന്ദി പ്രമേയം കൗൺസിൽ പാസാക്കി.സമ്മേളനത്തിൽ വനിതകൾ ഉൾപ്പെടെ 350 പ്രതിനിധികൾ പങ്കെടുക്കും. സംസ്ഥാന പ്രസിഡന്റ് ഇ.എസ്. രാധാകൃഷ്ണൻ, ജനറൽ സെക്രട്ടറി ബി. രാമചന്ദ്രൻ നായർ, പള്ളിക്കത്തോട് പഞ്ചായത്ത് പ്രസിഡന്റ് പ്രസന്നൻ വെള്ളാപ്പള്ളി തുടങ്ങി നിരവധി നേതാക്കൾ സംബന്ധിക്കും.
