വാഴൂർ: മലയാള മാസങ്ങളിലെ അവസാന മാസമായ കർക്കടകം നാളെ ജൂലൈ 17 വ്യാഴ്ച പിറക്കുന്നു. രാമായണ മാസം, പഞ്ഞ മാസം, വറുതി മാസം എന്നീ പേരുകളിലും കർക്കടകം അറിയപ്പെടുന്നു. ആഘോഷങ്ങളും ആർഭാടങ്ങളും കുറഞ്ഞ, ആചാരങ്ങൾക്ക് പ്രാധാന്യമുള്ള മാസമാണിത്.
രാമായണ ഭക്തിക്ക് പ്രത്യേകം സമർപ്പിച്ചിരിക്കുന്ന മാസം കൂടിയാണ് കർക്കടകം. മത്സ്യ മാംസാദികൾ ഒഴിവാക്കി രാമായണ പാരായണത്തിന് പ്രാധാന്യം നൽകുന്ന കാലമാണിത്. കർക്കടക മാസത്തിലെ മറ്റൊരു പ്രധാന ആചാരമാണ് നാലമ്പല തീർത്ഥാടനം.
ഓഗസ്റ്റ് 12 ബുധനാഴ്ച കർക്കടകം 27 നാണ് കർക്കടക വാവ്. അന്ന് സംസ്ഥാനത്ത് പൊതു അവധിയാണ്. കർക്കടക മാസം ഓഗസ്റ്റ് 16 ഞായറാഴ്ച അവസാനിക്കും. ഓഗസ്റ്റ് 17 തിങ്കളാഴ്ച ചിങ്ങം ഒന്നും വിഷുവും കൂടിയാണ്.
മഴയും രോഗവും പതിവായ ഈ മാസത്തിൽ ശരീര ശുദ്ധിക്കും മനസിന്റെ ശുദ്ധിക്കും പ്രാധാന്യം നൽകുന്ന ആചാരങ്ങളാണ് കേരളത്തിൽ പൊതുവെ അനുഷ്ഠിക്കുന്നത്.
