കോട്ടയം: ജില്ലയിലെ മഴക്കെടുതി ദുരന്തനിവാരണ പ്രവര്ത്തനങ്ങളില് പങ്കുചേരുന്നതിന് ദേശീയ ദുരന്ത പ്രതികരണ സേനയും എന്.ഡി.ആര്.എഫും എത്തിച്ചേര്ന്നു. തൃശൂരില്നിന്നുള്ള 23 അംഗ സംഘത്തെ മീനച്ചില്, കാഞ്ഞിരപ്പള്ളി താലൂക്കുകളിലും എറണാകുളത്തുനിന്നുള്ള 30 അംഗ സംഘത്തെ കോട്ടയം താലൂക്കിലുമാണ് വിന്യസിച്ചിട്ടുള്ളത്.
കേരള പോലീസിന്റെ റാപ്പിഡ് റെസ്പോണ്സ് ആന്റ് റെസ്ക്യൂ ഫോഴ്സിലെ 20 പേരും തൃശൂരില്നിന്നുള്ള സംഘത്തിനൊപ്പമുണ്ട്. രണ്ടു മേഖലകളിലും എന്.ഡി.ആര്.എഫ് ഇന്നലെ പ്രവര്ത്തനമാരംഭിച്ചു. കോട്ടയം താലൂക്കിലെ ഇറഞ്ഞാല്, ഇല്ലിക്കല് മേഖലകളില് വീടുകളില് കുടുങ്ങിയവരെ നാട്ടുകാരുടെ സഹായത്തോടെ സുരക്ഷിത സ്ഥലങ്ങളിലേക്ക് മാറ്റി.
സംഘത്തോടൊപ്പം കോട്ടയത്തെ രണ്ടു കേന്ദ്രങ്ങളിലും പോയി പ്രവര്ത്തനം വിലയിരുത്തി. മീനച്ചില് താലൂക്കില് മണ്ണിടിച്ചിലുണ്ടായ പെരിങ്ങുളം, കൈപ്പിള്ളി മേഖലകളിലും എന്.ഡി.ആര്.എഫ് ഇന്നലെ സന്ദര്ശനം നടത്തി.
