Water Metro Project: കാത്തിരിപ്പിനൊടുവിൽ വാട്ടർ മെട്രോ പദ്ധതി യാഥാർഥ്യമാകുന്നു,ഒരു സമയം 100 പേർക്ക് യാത്ര ചെയ്യാം

 ഒരു വർഷത്തോളം നീണ്ട കാത്തിരിപ്പിനൊടുവിൽ വാട്ടർ മെട്രോ പദ്ധതി യാഥാർഥ്യമാകുകയാണ്. കൊച്ചിക്കാരുടെ യാത്രാക്ലേശം ലഘൂകരിക്കുമെന്ന് പ്രതീക്ഷിക്കുന്ന വാട്ടർ മെട്രോയുടെ ആദ്യ ഘട്ടം പ്രധാനമന്ത്രി നരേന്ദ്ര മോദി ഏപ്രിൽ 25ന് ഉദ്ഘാടനം ചെയ്യും. ഹൈക്കോർട്ട് ടെർമിനലിൽനിന്ന് വൈപ്പിനിലേക്കാണ് ആദ്യ ബോട്ട് സർവീസ്. 

ആധുനിക സംവിധാനങ്ങളും ലോകോത്തര ടെര്‍മിനലുകളുമായി ശബ്ദരഹിത എ.സി വൈദ്യുത ബോട്ടുകള്‍ ഉള്‍പ്പെടുന്ന ജലഗതാഗത സംവിധാനം രാജ്യത്തെ ആദ്യത്തേതാണ്.

തുടക്കത്തിൽ എട്ട് അലുമിനിയം കട്ടാമരന്‍ ബോട്ടുകളാണ് വാട്ടർ മെട്രോയ്ക്കായി സജ്ജമാക്കിയിട്ടുള്ളത്. ഒരേസമയം 100 യാത്രക്കാർക്ക് കയറാവുന്ന ബോട്ടുകളാണ് ഹൈക്കോർട്ട്-വൈപ്പിൻ റൂട്ടിൽ സർവീസ് നടത്തുന്നത്. ഒരു ബോട്ടിൽ മൂന്ന് ജീവനക്കാരാണ് ഉണ്ടാകുക. 7.6 കോടി രൂപയാണ് ഒരു ബോട്ടിന്‍റെ വില. 10-15 മിനിട്ട് ചാർജ് ചെയ്താൽ ഒന്നര മണിക്കൂർ സർവീസ് നടത്താനാകും.

 

Group63