കാഞ്ഞിരപ്പള്ളി നിയോജകമണ്ഡലത്തില്‍ അനുവദിച്ച സര്‍ക്കാര്‍ നഴ്‌സിങ് കോളേജിന് കെട്ടിടം നിര്‍മ്മിക്കാനുള്ള 3 ഏക്കര്‍ സ്ഥലം സൗജന്യമായി വിട്ടുനില്‍കി വെള്ളാവൂര്‍ പുതിയാമണ്ണില്‍ കുടുംബ ട്രസ്റ്റ് വീണ്ടും മാതൃകയായതായി ഗവ.ചീഫ് വിപ്പ് ഡോ.എന്‍.ജയരാജ് അറിയിച്ചു. ട്രസ്റ്റിന്റെ ഉടമസ്ഥതയില്‍ ആകെയുള്ള 7 ഏക്കറില്‍ നിന്നാണ് 3 ഏക്കര്‍ സ്ഥലം ഇപ്പോള്‍ വിട്ടു നല്‍കിയത്. ബാലചന്ദ്രന്‍പിള്ള, ശ്രീരാജ്, രാധാകൃഷ്ണന്‍ എന്നിവരാണ് ഇപ്പോള്‍ ട്രസ്റ്റിന്റെ ഭാരവാഹികള്‍.
കാഞ്ഞിരപ്പള്ളിയുടെ ഉന്നതവിദ്യാഭ്യാസ രംഗത്ത് ഏറ്റവും ശ്രദ്ധേയമായ ഈ പദ്ധതി നഷ്ടമാകാതെ സ്ഥലം വിട്ടുനല്‍കിയ ട്രസ്റ്റിന്റെ സേവനം എക്കാലത്തും സ്മരിക്കപ്പെടുമെന്നും 2023 നവംബര്‍ ആദ്യവാരം ഉന്നതവിദ്യാഭ്യാസ വകുപ്പ് മന്ത്രി ആര്‍ ബിന്ദു നഴ്‌സിങ് കോളേജ് ഉദ്ഘാടനം ചെയ്യുന്ന ചടങ്ങില്‍ പ്രസ്തുത ട്രസ്റ്റ് ഭാരവാഹികളെ അനുമോദിക്കുമെന്നും ചീഫ് വിപ്പ് അറിയിച്ചു.
