വാഴൂർ പഞ്ചായത്തിലെ തേക്കാനം മൃഗാശുപത്രിയിൽ രണ്ടുമാസമായി ഡോക്ടർമാർ ഇല്ലാത്ത സാഹചര്യമാണ് ആയതിനാൽ ഈ മേഖലയിലെ ക്ഷീരകർഷകർ ഉൾപ്പെടെയുള്ളവർ ഡോക്ടർമാരുടെ സേവനത്തിനുവേണ്ടി ദൂരസ്ഥലങ്ങളെ ആശ്രയിക്കേണ്ട അവസ്ഥയിലാണ്. കോട്ടയം ജില്ലയിലെ തന്നെ ഏറ്റവും മികച്ച ക്ഷീര മേഖലകളിൽ ഒന്നായ വാഴൂരിൽ ഡോക്ടർമാർ ഇല്ലാത്ത ഈ സാഹചര്യത്തിൽ ഏറ്റവും അധികം ബുദ്ധിമുട്ട് അനുഭവിക്കുന്നത്
ക്ഷീരകർഷകരാണ് രാത്രികാലങ്ങളിൽ ഡോക്ടർമാരുടെ സേവനം ഉടൻ വേണ്ടിവരുന്ന സാഹചര്യങ്ങൾ ഉണ്ടാകുമ്പോൾ നിസ്സഹായകരാകയാണ് ഷീരകർഷകർ ഈ പ്രശ്നത്തിന് ഉടൻതന്നെ പരിഹാരം കാണുവാൻ അധികൃതർ തയ്യാറാകണമെന്ന് ബിജെപി കർഷക മോർച്ച വാഴൂർ പഞ്ചായത്ത് കമ്മിറ്റി ആവശ്യപ്പെട്ടു. അല്ലാത്തപക്ഷം പ്രക്ഷോഭ പരിപാടികൾക്ക് നേതൃത്വം നൽകാൻ കമ്മിറ്റി തീരുമാനിച്ചു.കർഷക വാഴൂർ പഞ്ചായത്ത് കമ്മിറ്റി പ്രസിഡണ്ട് കെ വി പ്രസന്നകുമാർ അധ്യക്ഷത വഹിച്ചു. എൻ മനോജ്, ഹരികുമാർ, ടി ബി ബിനു, വിജയകുമാർ, കെ എസ് ബിനു, പ്രസാദ് അമ്പിയിൽ, വിമൽ എന്നിവർ സംസാരിച്ചു
അതേ സമയം ജൂനിയർ റെസിഡൻറ് ഡോക്ടർ ലിസ്റ്റ് നിലവിലയിട്ടുണ്ടെന്നും വൈകാതെ നിയമനം നടക്കുമെന്നും മന്ത്രി ചിഞ്ചുറാണിയുടെ ഓഫീസിൽ നിന്നും വാഴൂർ ന്യൂസിനെ അറിയിച്ചു. കൂടാതെ സീനിയർ ഡോക്ടറുടെ സേവനം ആഴ്ച്ചയിൽ രണ്ട് ദിവസം ഉറപ്പിക്കുന്നതിനും നടപടിയായിട്ടുണ്ട്.
