ഗൂഗിൾ ന്യൂസിലും വാർത്തകൾ വായിക്കാം
തൃശൂരും പാലക്കാടും വീണ്ടും ഭൂചലനം അനുഭവപ്പെട്ടതായി റിപ്പോര്ട്ട്. പുലര്ച്ചെ 3:56ന് കുന്നംകുളം, തൃത്താല മേഖലകളിലാണ് ഭൂചലനം ഉണ്ടായത്. സെക്കന്ഡുകളോളം ഇത് നീണ്ടതായി നാട്ടുകാര് പറയുന്നു. കഴിഞ്ഞ ദിവസവും ഈ മേഖലയില് ഭൂചലനം അനുഭവപ്പെട്ടിരുന്നു.തൃശൂരില് കുന്നംകുളം,കേച്ചേരി,ചുണ്ടല് ഉള്പ്പടെയുള്ള ഭാഗത്താണ് പ്രകമ്പനമുണ്ടായത്. തൃത്താല,ആനക്കര,കപ്പൂര്,തിരുമിറ്റക്കോട് തുടങ്ങിയ ഇടങ്ങളിലാണ് പാലക്കാട് പ്രകമ്പനമുണ്ടായത്. റിക്ടര് സ്കെയിലില് തീവ്രത 3 അടയാളപ്പെടുത്തിയ ഭൂചലനമാണ് കഴിഞ്ഞ ദിവസമുണ്ടായത്. കാലത്ത് 8:15 ഓടെയായിരുന്നു ഉഗ്രശബ്ദത്തില് പ്രകമ്പനം ഏതാനും സെക്കന്ഡുകള് അനുഭവപ്പെട്ടത്.
ഭൂമിക്ക് താഴെ നിന്നു മുഴക്കവും വിറയലും അനുഭവപ്പെട്ടതായി നാട്ടുകാർ പറഞ്ഞു. റവന്യു, ജിയോളജി വിഭാഗം ഉദ്യോഗസ്ഥർ സ്ഥലം സന്ദർശിച്ചു. തൃശൂരിൽ നിന്ന് 18 കിലോമീറ്റർ വടക്കുമാറിയാണ് പ്രഭവകേന്ദ്രം എന്നാണ് നാഷണൽ സെന്റർ ഫോർ സീസ്മോളജിയുടെ പ്രാഥമിക നിഗമനം.
