വാഴൂർ: ചിങ്ങമാസ പുലരി പിറന്നപ്പോൾ ചിങ്ങപ്പുഴുക്കും കഴിച്ച് വാഴൂരിൽ കർഷക ദിനാചരണം വിപുലമായി ആഘോഷിച്ചു. വാഴൂർ ഗ്രാമ പഞ്ചായത്തും, കൃഷി ഭവനും, വാഴൂർ ഫാർമേഴ്സ് സർവീസ് സഹകരണ ബാങ്കും, വിവിധ കർഷക കൂട്ടായ്മകളും, ധനകാര്യ സ്ഥാപനങ്ങളുടേയും ,സംയുക്താഭിമുഖ്യത്തിലാണ് കർഷക ദിനം സംഘടിപ്പിച്ചത്. ഗ്രാമപഞ്ചായത്ത് കമ്മ്യൂണിറ്റി ഹാളിൽ സമഗ്ര കൃഷി പരിപാലനം എന്ന വിഷയത്തെ ആസ്പദമാക്കി റിട്ടയേഡ് കൃഷി ഡെപ്യൂട്ടി ഡയറക്ടർ കെ ജെ ഗീത പഠന ക്ലാസ് നയിച്ചു.
തുടർന്ന് കർഷക സുഹൃത്ത് സമ്മേളനത്തിൽ ഗ്രാമപഞ്ചായത്ത് പ്രസിഡൻറ് വി പി റെജി അധ്യക്ഷത വഹിച്ചു . കേരള ഗവൺമെൻറ് ചീഫ് വിപ്പ് കർഷകരെ ആദരിച്ച് ഉദ്ഘാടനം നിർവഹിച്ചു. മികച്ച കർഷകരെയും കർഷക തൊഴിലാളികളെയും പൊന്നാടയും ക്യാഷ് അവാർഡും നൽകി ആദരിച്ചു.
ബ്ലോക്ക് പഞ്ചായത്ത് പ്രസിഡണ്ട് മുകേഷ് കെ. മണി കർഷകർക്ക് മൊമെന്റോ നൽകി ആദരിച്ചു.വാഴൂർ ഫാർമേഴ്സ് സർവീസ് സഹകരണ ബാങ്ക് പ്രസിഡണ്ട് ബെജു കെ. ചെറിയാൻ ക്യാഷ് അവാർഡും സർട്ടിഫിക്കറ്റും നൽകി.
കൃഷി ഓഫീസർ അരുൺകുമാർ ജി, അസി. കൃഷി ഓഫീസർ സജികുമാർ ഇ പി, പി ജെ ജോൺ, കൃഷി അസിസ്റ്റൻറ് സബീർ എസ്, ഹരിദാസൻ നായർ എന്നിവർ സംസാരിച്ചു.യോഗാനന്തരം പ്രത്യേക ചിങ്ങപ്പുഴുക്ക് വിതരണവും ഉണ്ടായിരുന്നു.കാർഷിക വികസന അംഗങ്ങളും കർഷക സുഹൃത്തുക്കളും വാഴൂരിൽ നിന്നുള്ള നിരവധി ആളുകളും പങ്കെടുത്തു.
