കണ്ണൂർ റെയിൽവേ സ്റ്റേഷനിലെ കെ എസ് യു പ്രതിഷേധത്തിനിടെ ആരോഗ്യമന്ത്രി വീണ ജോർജിന്റെ കഴുത്തിന് പരിക്കേറ്റു. കരിങ്കൊടി സമരത്തിനിടെയാണ് സംഭവം. കണ്ണൂർ ജില്ല ആശുപത്രിയിലേക്ക് മന്ത്രിയെ മാറ്റിയിരിക്കുകയാണ്.
വന്ദേഭാരതിൽ യാത്ര ചെയ്യാനെത്തിയപ്പോൾ ടിക്കറ്റ് കൌണ്ടറിന് അടുത്തുവെച്ചാണ് പ്രതിഷേധമുണ്ടായത്. പരിക്കേറ്റതിനെ തുടർന്ന് മന്ത്രി യാത്ര റദ്ദാക്കി. ജില്ലാ ആശുപത്രിയിൽ ചികിത്സ തേടി.സ്പീക്കർ എ എൻ ഷംസീറും സ്ഥലത്ത് ഉണ്ടായിരുന്നു.കണ്ണൂരിൽ പലയിടത്തും കഴിഞ്ഞ ദിവസങ്ങളിലായി മന്ത്രിക്കെതിരെ പ്രതിഷേധം നടന്നു കൊണ്ടിരിക്കുകയാണ്.
