news update idukki: ഇടുക്കി മുനിയറയിൽ നിന്നും സ്വകാര്യ ബസ് മോഷ്ടിച്ചു; ബസ് അപകടത്തിൽപ്പെട്ടു

 

ഇടുക്കി മുനിയറയിൽ നിന്നും സ്വകാര്യ ബസ് മോഷ്ടിച്ചു; കടന്നുകളയുന്നതിനിടെ ബസ്  അപകടത്തിൽപ്പെട്ടു, വാഹനം ഉപേക്ഷിച്ച് മോഷ്ട്ടാവ് രക്ഷപെട്ടു . ഇടുക്കി മുനിയറയിൽ സർവീസ് അവസാനിപ്പിച്ച ശേഷം നിർത്തിയിട്ട സ്വകാര്യ ബസ് മോഷണം പോയി. അടിമാലി - നെടുങ്കണ്ടം റൂട്ടിൽ സർവീസ് നടത്തുന്ന നക്ഷത്ര ബസാണ് മോഷണം പോയത്. ഇന്നലെ രാത്രിയാണ് സംഭവം. ബസുമായി മോഷ്ടാവ് കടന്നുകളയുന്നതിന്റെ സിസിടിവി ദൃശ്യങ്ങൾകേന്ദ്രീകരിച്ച് അന്വേഷണം നടത്തുന്നതിനിടെ ഇന്ന് പുലർച്ചെ ബൈസൺവാലിക്ക് സമീപം നാല്പതേക്കറിൽ നിന്നും ബസ് കണ്ടെത്തി. 

മോഷ്ട്ടാവ് വാഹനവുമായി കടന്നുകളയുന്നതിനിടെ വാഹനം അപകടത്തിൽപ്പെട്ടു. ബൈസൺവാലി നാല്പതേക്കറിന് സമീപം  നിയന്ത്രണം നഷ്ട്ടപ്പെട്ട വാഹനം സമീപത്തെ ഇലക്ട്രിക്ക് പോസ്റ്റ് തകർത്ത്  മൺതിട്ടയിൽ ഇടിച്ചാണ് നിന്നത്. ബസിന്റെ മുൻഭാഗം പൂർണ്ണമായി തകർന്നതിനാൽ മോഷ്ട്ടാവ് വാഹനം ഉപേഷിച്ച് രക്ഷപെട്ടു. ഉടമയുടെ പരാതിയിൽ രാജാക്കാട് പോലീസ് അന്വേഷണം ആരംഭിച്ചു.