മാലിന്യമുക്ത നവകേരളം പദ്ധതിയുടെ ഭാഗമായി തദ്ദേശ സ്ഥാപന പരിധികളില് മാലിന്യം വലിച്ചെറിയുന്നവര്ക്കെതിരെ ശക്തമായ ഇടപെടല് നടത്തുന്നതിന് പഞ്ചായത്ത്തല എന്ഫോഴ്സ്മെന്റിന്റെ പ്രവര്ത്തനം കാര്യക്ഷമമാക്കണമെന്ന് തദ്ദേശ സ്വയംഭരണ- എക്സൈസ് -പാര്ലമെന്ററികാര്യ വകുപ്പ് മന്ത്രി എം.ബി രാജേഷ്. കളക്ടറേറ്റിലെ എ.പി.ജെ ഹാളില് നടന്ന തദ്ദേശ സ്വയംഭരണ സ്ഥാപനങ്ങളുടെ അവലോകന യോഗത്തില് സംസാരിക്കുകയായിരുന്നു മന്ത്രി.
ഹൈക്കോടതി ഉത്തരവ് പ്രകാരം ത്രിതലപഞ്ചായത്തിന്റെ അധീനതയില് സ്ഥാപിച്ച ബോര്ഡുകള് നീക്കം ചെയ്താല് ബോര്ഡ് നീക്കം ചെയ്തവരില് നിന്നും 5000 രൂപ പഞ്ചായത്ത് സെക്രട്ടറിക്ക് ഈടാക്കാമെന്നും തദ്ദേശ സ്ഥാപനങ്ങള് മുഖേന ജില്ലയില് നടപ്പാക്കുന്ന വിവിധ പ്രവര്ത്തനങ്ങള് പ്രാധാന്യത്തോടെ നടപ്പാക്കണമെന്നും മന്ത്രി പറഞ്ഞു.
