നടി ഹണി റോസിനെതിരായ ലൈംഗിക അധിക്ഷേപ പരാമര്ശത്തില് ജയിലില് കഴിയുന്ന വ്യവസായി ബോബി ചെമ്മണ്ണൂരിനെതിരെ കുരുക്ക് മുറുക്കി സര്ക്കാര്. ബോബിക്ക് ജാമ്യം നല്കരുതെന്ന് സര്ക്കാര് കോടതിയില് ആവശ്യപ്പെടും. ബോബി ചെമ്മണ്ണൂരിന്റെ ജാമ്യഹര്ജി ഹൈക്കോടതി ഇന്ന് പരിഗണിക്കും. പ്രതി പരാതിക്കാരിയെ പിന്നാലെ നടന്ന് അപമാനിച്ചുവെന്നും പൊതുപരിപാടിയില് അനുവാദമില്ലാതെ ശരീരത്തില് കടന്നുപിടിച്ചെന്നും പ്രോസിക്യൂഷന് കോടതിയെ അറിയിക്കും. പ്രോസിക്യൂഷന് ഇങ്ങനെയൊരു നിലപാടില് ഉറച്ചുനിന്നാല് ബോബിക്ക് ജാമ്യം ലഭിക്കാനുള്ള വഴികള് അടയും.
