വാഴൂർ: ചെങ്കല്ലിൽ ഉള്ള ഏഞ്ചൽസ് വില്ലേജിൽ വച്ച് ഭിന്നശേഷിക്കാരുടെ പ്രത്യേകിച്ച് ബൗദ്ധിക വെല്ലുവിളികൾ നേരിടുന്നവരുടെ സർഗാത്മകതയും ക്രിയാശേഷിയും പ്രദർശിപ്പിക്കുവാൻ അവസരം ഒരുക്കുന്ന മികവുത്സവം സദ്ഗമയ- 2025 എയ്ഞ്ചൽ എബിലിറ്റി ഫെസ്റ്റിന് തുടക്കം. പരിമിതികളെ അതിജീവിച്ച ഭിന്നശേഷിക്കാരുടെ ജീവിതങ്ങളെ അടയാളപ്പെടുത്തുന്ന പ്രദർശനത്തിനോടൊപ്പം 60 വർഷങ്ങൾ പൂർത്തിയാകുന്ന കേരളത്തിലെ ബൗദ്ധിക വെല്ലുവിളികൾ നേരിടുന്നവരുടെ വിശേഷ - വിദ്യാഭ്യാസ മേഖലയുടെ നാളിതുവരെയുള്ള വികാസ പരിണാമങ്ങളുടെ ചരിത്രവും ഒരു വ്യക്തിയുടെ വളർച്ച വികാസ വ്യതിയാനം കണ്ടെത്തുന്നതു മുതൽ ആ വ്യക്തിയുടെ ജീവിത അവസാനം വരെ സംരക്ഷണം നൽകുവാനായി സർക്കാർ - സർക്കാർ ഇതര മേഖലയിൽ ഇന്ന് ലഭ്യമായ എല്ലാ സേവനങ്ങളെയും സംവിധാനങ്ങളെയും കുറിച്ചുള്ള വിശദമായ വിവരങ്ങളും പൊതുജനങ്ങൾക്ക് കാണാൻ അവസരം ഒരുങ്ങും.
മന്ത്രി റോഷി അഗസ്ത്യൻ, ഗവൺമെൻറ് ചീഫ് വിപ്പ് ഡോ. എൻ ജയരാജ് എംഎൽഎ, ,സെബാസ്റ്റ്യൻ കുളത്തുങ്കൽ എംഎൽഎ, ഫാദർ റോയി കണ്ണൻചിറ സി എം ഐ ,ബിഷപ്പ് മാർ മാത്യു അറക്കൽ തുടങ്ങിയവർ സദ്ഗമയയുടെ ഭാഗമാകും.
