പതിനഞ്ചാംമൈല്- കെ കെ റോഡ്- ഇളങ്ങുളം റോഡ് ബി എം ബി സി നവീകരണ അനുമതി
കാഞ്ഞിരപ്പള്ളി നിയോജകമണ്ഡലത്തിലെ പള്ളിക്കത്തോട് പഞ്ചായത്തിലൂടെ കടന്നുപോകുന്ന പ്രധാനപ്പെട്ട ഒരു പൊതുമരാമത്ത് റോഡാണ് പതിനഞ്ചാംമൈല്- കെ കെ റോഡ്- ഇളങ്ങുളം റോഡ്. കൊല്ലം തേനി ദേശീയപാതയില് നെടുമാവില് നിന്ന് ആരംഭിച്ച് പാലാ കൊടുങ്ങൂര് റോഡില് കയ്യൂരിയില് എത്തിച്ചേരുകയും അവിടെ നിന്ന് പുനലൂര് മൂവാറ്റുപുഴ സംസ്ഥാനപാതയിലെ ഇളങ്ങുളത്ത് എത്തിച്ചേരുകയും ചെയ്യുന്ന ഏകദേശം 9.5 കിലോമീറ്റര് ദൂരം വരുന്ന കണക്ടിവിറ്റി റോഡാണ് ഇത്.
ചങ്ങനാശേരി, പാമ്പാടി പ്രദേശത്തുനിന്നും പാലാ, മൂവാറ്റുപുഴ റൂട്ടിലേക്ക് പോകുന്ന വാഹനങ്ങള് വളരെ തിരക്കേറിയ കൊടുങ്ങൂര്, പൊന്കുന്നം ടൗണുകളില് എത്താതെ ഏകദേശം 8 കിലോമീറ്റര് ദൂരം കുറവില് സഞ്ചരിക്കാന് സാധിക്കുന്ന റൂട്ടാണ്. ഈ പദ്ധതി വരുന്നതോടെ പള്ളിക്കത്തോട് പഞ്ചായത്തിന്റെ ഗ്രാമീണമേഖലയിലെ വികസനത്തിന് ആക്കം കൂടും.
