pampady updates: പാമ്പാടിയിൽ കാറിന്റെ ബോണറ്റിൽ കുട്ടികളെ ഇരുത്തി അപകട യാത്ര, ദൃശ്യം കണ്ട് ഞെട്ടി സോഷ്യൽ മീഡിയ

 കോട്ടയം പാമ്പാടിയിൽ കുട്ടികളെ കാറിന്റെ ബോണറ്റിൽ ഇരുത്തി അപകട യാത്ര.സംഭവത്തിൽ വാഹനം ഓടിച്ച പാമ്പാടി സ്വദേശി ജ്യോതിഷിനെ അറസ്റ്റ് ചെയ്തു.കോട്ടയം പാമ്പാടി വട്ടുകളം ആലപ്പാട്ട് പടി റോഡിൽ തിങ്കളാഴ്ച വൈകുന്നേരം 5.15നാണ് സംഭവം.കുട്ടികളെ ബോണറ്റിൽ ഇരുത്തി വാഹനം ഓടിക്കുന്ന സിസിടിവി ദൃശ്യങ്ങൾ പുറത്തുവന്നിരുന്നു. ഇതോടെയാണ് പോലീസ് അടിയന്തരമായി ഇടപെട്ടത്. 

കാറിന്റെ നമ്പർ പരിശോധിച്ചു വീട്ടിലെത്തിയ പോലീസ്, വാഹനം പിടിച്ചെടുത്തു. തുടർന്ന് ജ്യോതിഷ് കുമാറിനെ അറസ്റ്റ് ചെയ്തശേഷം ജാമ്യത്തിൽ വിട്ടയച്ചു.കുട്ടികൾ നിർബന്ധിച്ചതിനെ തുടർന്നാണ് ബോണറ്റിൽ ഇരുത്തി വാഹനം ഓടിച്ചതെന്നാണ് ജ്യോതിഷിന്റെ മൊഴി