vazhoor updates: കോട്ടയം Seiyukai Karate Academyയുടെ കൊടുങ്ങൂർ, പാമ്പാടി ബ്രാഞ്ചുകളുടെ എട്ടാമത് വാർഷികാഘോഷവും ബ്ലാക്ക് ബെൽറ്റ് അവാർഡിങ്ങും

  2025–26 അധ്യയന വർഷത്തിൽ മികച്ച നേട്ടങ്ങൾ കൈവരിച്ച വിദ്യാർത്ഥികളെ ആദരിക്കുന്ന ചടങ്ങുകളും മെയ് 11, 12, 13 തീയതികളിൽ കൊടുങ്ങൂർ കരാട്ടെ ക്ലാസിൽ വച്ച്  നടക്കും. ജപ്പാൻ കരാട്ടെ ഗ്രാൻഡ് മാസ്റ്റർ Kazumaza Takahashi  ഉദ്ഘാടനം  ചെയ്യും.Seiyukai  karate യുടെ ഇന്ത്യൻ ചീഫ് ആയ shihan ഡോക്ടർ സുമേഷ് കെ, വാഴൂർ ഗ്രാമപഞ്ചായത്ത് പ്രസിഡണ്ട് മറ്റു പ്രതിനിധികൾ  വിശിഷ്ട വ്യക്തികൾ ചടങ്ങിൽ പങ്കെടുക്കും. പഠിക്കുന്ന കുട്ടികളുടെ ഉന്നമനത്തിനായി എല്ലാ വർഷവും പാമ്പാടി, കൊടുങ്ങൂർ ക്ലാസുകളിൽ നേരിട്ട് എത്തി ഇന്ത്യൻ നാഷണൽ കരാട്ടെ ട്രെയിനിങ്ങുകൾ സംഘടിപ്പിച്ചു വരുന്ന അക്കാദമിയാണ് ഇത്. 

മികച്ച പരിശീലനത്തോടൊപ്പം ദേശീയതല മത്സരങ്ങളിലും സ്കൂൾ ഗെയിംസുകളിലും സ്റ്റേറ്റ് മെഡലിസ്റ്റുകളെ സമ്മാനിച്ച അഭിമാന നേട്ടവും അക്കാദമിക്കുണ്ട്.“കരാട്ടെ ഫാമിലി” എന്നറിയപ്പെടുന്ന രതീഷ്, സോണിയ, മകനായ ആദിൽ എന്നിവർ ചേർന്നാണ് കുട്ടികൾക്ക് ആത്മവിശ്വാസവും അച്ചടക്കവും നിറഞ്ഞ പരിശീലനം നൽകി വരുന്നത്. കൊടുങ്ങൂർ, പാമ്പാടി, കോത്തല, പങ്ങട, കളത്തിപ്പടി എന്നിവിടങ്ങളിലായി 4 വയസ്സ് മുതൽ 65 വയസ്സ് വരെയുള്ളവർ ഉൾപ്പെടെ നിരവധി അമ്മമാരും വിദ്യാർത്ഥികളും ഇവരുടെ കീഴിൽ കരാട്ടെ അഭ്യസിച്ചു വരുന്നു. മികവുറ്റ പരിശീലനത്തിലൂടെ നിരവധി മികച്ച പ്ലേയേഴ്സിനെ വളർത്തിയെടുത്ത അറിയപ്പെടുന്ന അക്കാദമിയാണ് കോട്ടയം Seiyukai Karate Academy.