സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. 8 ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. മത്സ്യത്തൊഴിലാളികൾക്ക് കടലിൽ പോകുന്നതിന് വിലക്കേർപ്പെടുത്തിയിട്ടുണ്ട്.ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നീ ജില്ലകളിലാണ് ഇന്ന് ശക്തമായ മഴ മുന്നറിയിപ്പുള്ളത്.
ജൂൺ 25-ന് കണ്ണൂർ, കാസർകോട് ജില്ലകളിലും, ജൂൺ 26-ന് ആലപ്പുഴ, എറണാകുളം, തൃശൂർ, മലപ്പുറം ജില്ലകളിലും യെല്ലോ അലർട്ട് തുടരും.നാളെ വരെ സംസ്ഥാനത്ത് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ശക്തമായ കാറ്റിനും സാധ്യതയുണ്ട്.
.jpeg)
ജാഗ്രതാ നിർദേശങ്ങൾ
ഇടിമിന്നൽ: ഇടിമിന്നൽ കാണുമ്പോൾ ഉടൻ സുരക്ഷിതമായ കെട്ടിടത്തിനകത്തേക്ക് മാറണം. തുറസായ സ്ഥലത്ത് നിൽക്കരുത്.
കെട്ടിടത്തിനകത്ത്: ജനലും വാതിലും അടച്ചിടുക. ഭിത്തിയിലോ നിലത്തോ കൈവെച്ച് നിൽക്കരുത്.
മത്സ്യബന്ധനം: പ്രഖ്യാപിച്ച ജില്ലകളിൽ മത്സ്യത്തൊഴിലാളികൾ കടലിൽ പോകരുത്.
കാലാവസ്ഥ മാറുന്നതിനനുസരിച്ച് കൂടുതൽ നിർദേശങ്ങൾ പുറപ്പെടുവിക്കുമെന്ന് അധികൃതർ അറിയിച്ചു.
