വാഴൂർ/ തൊണ്ടുവേലി: നിര്യാതനായ സിഎം ചാക്കോ ചെട്ടിയാതറയുടെ നാമധേയത്തിൽ സിഎംഎസ് ആംഗ്ലിക്കൻ ചർച്ച് തൊണ്ടുവേലി സഭയുടെ ആഭിമുഖ്യത്തിൽ സ്കൂൾ പഠന ബുക്ക് വിതരണം നടത്തി.ഞായറാഴ്ച സഭയുടെ പൊതുയോഗത്തോടനുബന്ധിച്ച് നടന്ന ചടങ്ങിൽ സഭാപ്രവർത്തകൻ ജെയിംസ് കരിക്കാട്ടൂർ അധ്യക്ഷത വഹിച്ചു. എബിവിബിഎസ് ടീച്ചർ മേഴ്സി മണ്ണിൽ സ്വാഗതം ആശംസിച്ചു.
സഭയുടെ ഒന്നാം കൈക്കാരൻ സന്തോഷ് മണ്ണിൽ പഠന ബുക്ക് വിതരണത്തിന്റെ ഉദ്ഘാടനം നിർവഹിച്ചു. സഭ രണ്ടാം കൈക്കാരനും വൈഎഫ് പ്രസിഡന്റുമായ ജോജോ ജോർജ് തെക്കേടത്ത്, കമ്മിറ്റി അംഗങ്ങളായ സിഎം ജോൺസൺ ചെട്ടിയാതറ,
ബാബു വി ടി വടക്കേമുറിയിൽ എന്നിവർ ആശംസകൾ അർപ്പിച്ച് സംസാരിച്ചു. സാമ്പത്തികമായി പിന്നോക്കം നിൽക്കുന്ന കുടുംബങ്ങളിലെ ഇരുപതോളം വിദ്യാർത്ഥികൾക്കാണ് പഠന സാമഗ്രികൾ വിതരണം ചെയ്തത്. മോളി ജോൺസൺ ചടങ്ങിന് കൃതജ്ഞത രേഖപ്പെടുത്തി.
