📮 കാലത്തിന്റെ തപാൽ പെട്ടി
ലോക തപാൽ ദിനം - ഒക്ടോബർ 9
ഒരു കാലത്ത് നമ്മുടെ വീടിന്റെ ഉമ്മറത്ത് പോസ്റ്റ്മാൻ കൊണ്ടുവരുന്ന ഒരു കത്തിനായി കാത്തിരുന്ന കാലം ഓർമ്മയുണ്ടോ? ഇന്ന് വാട്സ്ആപ്പ് മെസ്സേജ് ടിക്ക് ആകാൻ സെക്കൻഡുകൾ മതി. പക്ഷേ ആ ചുവന്ന തപാൽ പെട്ടിയിൽ നിക്ഷേപിച്ചിരുന്നത് വെറും കടലാസ്സ് ആയിരുന്നില്ല, അത് കാത്തിരിപ്പായിരുന്നു, പ്രണയമായിരുന്നു, വിരഹമായിരുന്നു, കണ്ണീരായിരുന്നു.
1874 ഒക്ടോബർ 9-നാണ് സ്വിറ്റ്സർലൻഡിലെ ബേണിൽ വെച്ച് Universal Postal Union (UPU) സ്ഥാപിതമായത്. 22 രാജ്യങ്ങൾ ചേർന്ന് ലോകം മുഴുവൻ ഒരു തപാൽ ശൃംഖല ഉണ്ടാക്കി. 1969-ലെ ടോക്കിയോ സമ്മേളനത്തിലാണ് ഈ ദിവസം ലോക തപാൽ ദിനമായി പ്രഖ്യാപിച്ചത്. ഇന്ത്യ UPU-വിൽ ചേർന്നത് 1876 ജൂലൈ 1-ന്, ഏഷ്യയിൽ ആദ്യം.
✉️ ഈ വർഷത്തെ തീം എന്താണ്?
"One Postal Network, Infinite Possibilities" - ഒരു തപാൽ ശൃംഖല, അനന്തമായ സാധ്യതകൾ.
2026-ലെ തീം ഇതാണ്. തപാൽ ഇന്ന് കത്തുകൾ മാത്രമല്ല. ലോകത്ത് 6.5 ലക്ഷത്തിലധികം പോസ്റ്റ് ഓഫീസുകളും 53 ലക്ഷം ജീവനക്കാരുമുണ്ട്. ബാങ്കിങ്, ഇ-കൊമേഴ്സ്, ഇൻഷുറൻസ്, ഡിജിറ്റൽ സേവനങ്ങൾ വരെ ഇന്ന് പോസ്റ്റ് ഓഫീസ് വഴി ലഭിക്കുന്നത്
❤️ നമ്മൾ മറന്നുപോയ ആ കാലം
ഇൻലാന്റ് ലെറ്റർ, മണി ഓർഡർ, 15 പൈസയുടെ പോസ്റ്റ് കാർഡ്... അതിൽ "സുഖമാണെന്ന് കരുതുന്നു" എന്ന് തുടങ്ങി എഴുതിയിരുന്ന കൈപ്പട. പരീക്ഷാ റിസൾട്ടിനായി, ജോലിക്കായി, പ്രവാസിയായ ഭർത്താവിന്റെ കത്തിനായി കാത്തിരുന്ന അമ്മമാർ. ആ കാത്തിരിപ്പിന് ഒരു സുഖമുണ്ടായിരുന്നു. ഇന്ന് എല്ലാം Instant ആയപ്പോൾ ആ സുഖം നഷ്ടമായി.
"ഒരു കത്ത് കൈപ്പടയിൽ എഴുതുമ്പോൾ, അതിൽ എഴുത്തുകാരന്റെ ഹൃദയമിടിപ്പ് കൂടി പതിയുന്നുണ്ട്."
ഈ ലോക തപാൽ ദിനത്തിൽ, ആരെങ്കിലുമൊരാൾക്ക് ഒരു കൈയ്യെഴുത്ത് കത്ത് അയച്ചു നോക്കൂ. മറന്നുപോയ ആ ചുവന്ന പെട്ടിയെ ഒന്നു തുറന്നു നോക്കൂ. അതിൽ ഇപ്പോഴും കാലം കാത്തിരിപ്പുണ്ട്.
-
