പിണറായി വിജയനെ ഡൽഹി പൊലീസ് കസ്റ്റഡിയിലെടുത്തു; മുഖ്യമന്ത്രി വി.ഡി. സതീശന്റെ അടിയന്തര ഇടപെടൽ
മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹി ജന്തർ മന്തറിൽ പ്രതിഷേധിക്കാനെത്തിയ മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയനെ ഡൽഹി പൊലീസ് കസ്റ്റഡിയിലെടുത്തു.
സംഭവത്തിൽ മുഖ്യമന്ത്രി വി.ഡി. സതീശന്റെ അടിയന്തര ഇടപെടൽ. പിണറായി വിജയൻ കസ്റ്റഡിയിലുള്ള സാഹചര്യങ്ങൾ വിലയിരുത്താൻ ചീഫ് സെക്രട്ടറിക്ക് അദ്ദേഹം നിർദ്ദേശം നൽകി. ഡൽഹിയിലെ റസിഡൻസ് കമ്മീഷണറുമായി ബന്ധപ്പെട്ട് ആവശ്യമായ ഇടപെടലുകൾ നടത്താനും മുഖ്യമന്ത്രി ആവശ്യപ്പെട്ടിട്ടുണ്ട്.
മണിക്കൂറുകളോളം നഗരത്തിൽ കറക്കി
പിണറായി വിജയനെ കസ്റ്റഡിയിലെടുത്തതിന് ശേഷം പൊലീസ് വാഹനം മണിക്കൂറുകളോളം നഗരത്തിൽ കറക്കിയെന്നും, ഇത് മുതിർന്ന നേതാവിന് ശാരീരിക അസ്വസ്ഥതകൾ ഉണ്ടാക്കിയെന്നുമുള്ള റിപ്പോർട്ടുകളാണ് പുറത്തുവരുന്നത്. ഈ റിപ്പോർട്ടുകൾക്ക് പിന്നാലെയാണ് സർക്കാരിന്റെ അടിയന്തര നീക്കം.
രാവിലെ പതിനൊന്ന് മണിയോടെയാണ് പിണറായി വിജയൻ ഉൾപ്പെടെയുള്ള നേതാക്കളെ പൊലീസ് കസ്റ്റഡിയിലെടുത്തത്. എന്നാൽ മൂന്നര മണിക്കൂറോളം നീണ്ട കറക്കത്തിനൊടുവിലാണ് ഇവരെ മന്ദിർ മാർഗ് പൊലീസ് സ്റ്റേഷനിൽ എത്തിച്ചത്.
വാഹനത്തിനകത്ത് ഉണ്ടായിരുന്നവർ:
▪️ കെ.എൻ. ബാലഗോപാൽ
▪️ ജോൺ ബ്രിട്ടാസ് എം.പി
കസ്റ്റഡി നടപടികളെ ഇരുവരും ചോദ്യം ചെയ്ത് പ്രതിഷേധിച്ചെങ്കിലും പൊലീസ് ഇതൊന്നും വകവെച്ചില്ല എന്നാണ് വിവരം.
ജോൺ ബ്രിട്ടാസ് എം.പി പറയുന്നു
"അദ്ദേഹത്തിന് ശാരീരിക ബുദ്ധിമുട്ടുകൾ അനുഭവപ്പെട്ടു. ഉന്നതങ്ങളിൽ നിന്നുള്ള നിർദ്ദേശമില്ലാതെ നേതാക്കളെ വിട്ടയക്കില്ലെന്ന നിലപാടിലാണ് പൊലീസ്"
എന്നാൽ പിണറായി വിജയൻ അടക്കമുള്ളവരെ അറസ്റ്റ് ചെയ്തിട്ടില്ലെന്നും ഉടൻതന്നെ മോചിപ്പിക്കുമെന്നുമാണ് പൊലീസിന്റെ ഔദ്യോഗിക വിശദീകരണം.
