കറുകച്ചാൽ മുണ്ടത്താനത്ത് മധ്യവയസ്കനെ കൊലപ്പെടുത്താൻ ശ്രമിച്ച കേസിൽ അച്ഛനും മകനുമടക്കം മൂന്നുപേരെ പോലീസ് അറസ്റ്റ് ചെയ്തു. കങ്ങഴ മുണ്ടത്താനം കുര്യൻപ്ലാക്കൽ കോളനി ഭാഗത്ത് ശ്രീദേവി ഭവനം വീട്ടിൽ ശ്രീനാഥ് (23), ഇയാളുടെ അച്ഛനായ ഗോപി.എൻ (52), കങ്ങഴ മുണ്ടത്താനം കുര്യൻ ബ്ലാക്ക് കോളനി ഭാഗത്ത് കുര്യൻ പ്ലാക്കൽ വീട്ടിൽ രമേശൻ ചെട്ടിയാർ (51) എന്നിവരെയാണ് കറുകച്ചാൽ പോലീസ് അറസ്റ്റ് ചെയ്തത്.
മധ്യവയസ്കന്റെ പറമ്പിൽ ഇവരുടെ വീടിന്റെ കുളിമുറി പണിയുന്നതുമായി ബന്ധപ്പെട്ട് നീക്കം ചെയ്ത മണ്ണ് ഇട്ടിരുന്നു.
ഇത് തന്റെ പറമ്പിൽ നിന്നും നീക്കം ചെയ്യണമെന്ന് മധ്യവയസ്കൻ ആവശ്യപ്പെട്ടതിനെ തുടർന്നുണ്ടായ വിരോധം മൂലമാണ് ഇവർ വീട്ടിൽ കയറി ആക്രമിച്ച കൊലപ്പെടുത്താൻ ശ്രമിച്ചത്.
