സംസ്ഥാനത്ത് രണ്ട് ദിവസം മാറ്റമില്ലാതെ തുടർന്ന സ്വർണവില ഇന്ന് കുറഞ്ഞു. ഗ്രാമിന് 10 രൂപയും പവന് 80 രൂപയുമാണ് ഇന്ന് കുറഞ്ഞത്. ഒരു ഗ്രാം സ്വർണത്തിന് 5505 രൂപയും പവന് 44,040 രൂപയുമാണ്.ശനിയാഴ്ചയായിരുന്നു സ്വർണവിലയിൽ അവസാനമായി മാറ്റമുണ്ടായത്. അന്ന് ഗ്രാമിന് 20 രൂപയും പവന് 160 രൂപയും കുറയുകയായിരുന്നു.
ഞായർ, തിങ്കൾ ദിവസങ്ങളിൽ ഇതേനിരക്കിൽ തുടർന്നശേഷമാണ് ഇന്ന് വില കുറഞ്ഞത്.ഓഗസ്റ്റ് ഒന്നിന് ഈ മാസത്തെ ഏറ്റവും ഉയർന്ന വിലയായ ഗ്രാമിന് 5,540 രൂപയും പവന് 44,320 രൂപയും രേഖപ്പെടുത്തിയ ശേഷം രണ്ടുദിവസത്തിനുള്ളിൽ ഈ മാസത്തെ ഏറ്റവും താഴ്ന്ന നിലയിലേക്ക് സ്വർണം എത്തി.
