.jpg)
 |
| ഗൂഗിൾ ന്യൂസിലും വാർത്തകൾ വായിക്കാം |
അതിതീവ്ര മഴ: കോട്ടയം ജില്ലയിൽ റെഡ് അലെർട്ട് ഒറ്റപ്പെട്ടയിടങ്ങളിൽ അതിതീവ്ര മഴയ്ക്കു സാധ്യതയുള്ളതിനാൽ ചൊവ്വാഴ്ച (മേയ് 28) കോട്ടയം ജില്ലയിൽ കേന്ദ്ര കാലാവസ്ഥവകുപ്പ് റെഡ് അലെർട്ട് പ്രഖ്യാപിച്ചതായി ജില്ലാ കളക്ടർ വി. വിഗ്നേശ്വരി അറിയിച്ചു. 24 മണിക്കൂറിൽ 204.4 മില്ലീമീറ്ററിൽ കൂടുതലായി മഴ ലഭിക്കുന്നതിനെയാണ് അതിതീവ്രമായ മഴയായി (Extremely Heavy Rainfall) കണക്കാക്കുന്നത്.
അതേസമയം അടുത്ത 3-4 ദിവസത്തിനുള്ളില് കാലവര്ഷം കേരളത്തില് എത്തിച്ചേരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കന് തമിഴ് നാടിനു മുകളില് ചക്രവാതചുഴി നിലനില്ക്കുന്നുണ്ട്. ഇതിന്റെ ഫലമായി കേരളത്തില് അടുത്ത ഒരാഴ്ച വ്യാപകമായി ഇടി / മിന്നല് / കാറ്റ് (30-40 കി.മി/മണിക്കൂര്.) കൂടിയ മിതമായ / ഇടത്തരം മഴക്ക് സാധ്യത. ഒറ്റപ്പെട്ട സ്ഥലങ്ങളില് ഇന്ന് (മെയ് 28) അതി തീവ്രമായ മഴക്കും, മെയ് 28, 29 തീയതികളില് അതിശക്തമായ മഴക്കും സാധ്യത. ഒറ്റപ്പെട്ട സ്ഥലങ്ങളില് മെയ് 28 മുതല് ജൂണ് 1 വരെ ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
