ഗൂഗിൾ ന്യൂസിലും വാർത്തകൾ വായിക്കാം
പത്തനംതിട്ട ലോക്സഭാ മണ്ഡലത്തിലെ തെരഞ്ഞെടുപ്പിൽ ആൻ്റോ ആൻ്റണി വിജയിച്ചു. 66119 വോട്ടുകളുടെ ഭൂരിപക്ഷം ലഭിച്ചു. ആകെ ലഭിച്ചത് 367623 വോട്ടുകൾ' ജില്ലയിലെ ഏക വോട്ടെണ്ണൽ കേന്ദമായ ചെന്നീർകര കേന്ദ്രീയ വിദ്യാലയത്തിൽ രാവിലെ 7.30 ന് സ്ട്രോങ്ങ് റൂമുകൾ തുറന്നു. വോട്ടെണ്ണൽ 8 മണിയോടെയാണ് ആരംഭിച്ചത്. 8.30 ന് ഇവിഎമ്മിലെ വോട്ടുകൾ എണ്ണിത്തുടങ്ങി.
ജില്ലാ തെരഞ്ഞെടുപ്പ് ഉദ്യോഗസ്ഥയും ജില്ലാ കളക്ടടറുമായ എസ്. പ്രേം കൃഷ്ണൻ്റെ നേതൃത്വത്തിൽ പഴുതടച്ച ഉദ്യോഗസ്ഥ സംവിധാനങ്ങളാണ് വോട്ടെണ്ണൽ കേന്ദ്രത്തിൽ സജ്ജമാക്കിയിരുന്നത്. മാധ്യമങ്ങൾക്കായി മീഡിയ സെന്റർ സൗകര്യം ,പൊതുജനങ്ങൾക്ക് വോട്ടെണ്ണൽ വിവരങ്ങളറിയാൻ പ്രത്യേക കൺട്രോൾ റൂം എന്നിവ ഒരുക്കിയിരുന്നു.
രാത്രി 8.30 ന് ഔദ്യോഗികമായി ഫലം പ്രഖ്യാപിച്ചു. തുടർന്ന് വിജയിച്ച സ്ഥാനാർഥിക്കുള്ള സർട്ടിഫിക്കറ്റും മറ്റ് രേഖകളും ഒബ്സെർവർമാരുടെ സാന്നിധ്യത്തിൽ ജില്ലാ കളക്ടർ കൈമാറി.
