vazhoor news update: വാഴൂർ ഗ്രാമപഞ്ചായത്ത് മെറിറ്റ് ഈവനിംഗ് സംഘടിപ്പിച്ചു

ഗൂഗിൾ ന്യൂസിലും വാർത്തകൾ വായിക്കാം

 വാഴൂർ ഗ്രാമപഞ്ചായത്ത് മെറിറ്റ് ഈവനിംഗ് സംഘടിപ്പിച്ചു. ഗ്രാമപഞ്ചായത്തിലെ പത്താം ക്ലാസ്, +2 പരീക്ഷകളിൽ ഉന്നത വിജയം കരസ്ഥമാക്കിയ കുട്ടികൾക്ക് അനുമോദനം നൽകി.ഗ്രാമ പഞ്ചായത്ത് കമ്മ്യൂണിറ്റി ഹാളിൽ സംഘടിപ്പിച്ച മെറിറ്റ് ഈവനിംങ്ങിൽ കോട്ടയം ജില്ലാ പഞ്ചായത്ത് പ്രസിഡൻറ് കെ.വി ബിന്ദു ഉദ്ഘാടനം നിർവ്വഹിച്ചു. ഗ്രാമ പഞ്ചായത്ത് പ്രസിഡൻ്റ് വി.പി റെജി അദ്ധ്യക്ഷത വഹിച്ചു. 

ബ്ലോക്ക് പഞ്ചായത്ത് പ്രസിഡൻറ് മുകേഷ് കെ മണി ,ബ്ലോക്ക് വൈസ് പ്രസിഡൻറ് ഗീതാ എസ് പിള്ള,  ബ്ലോക്ക് മെമ്പർ പി.എം.ജോൺ, ഗ്രാമ പഞ്ചായത്ത് വൈസ് പ്രസിഡൻ്റ് ഡി. സേതുലക്ഷ്മി തുടങ്ങി വാർഡ് മെമ്പർമാർ കുട്ടികൾക്ക് അനുമോദനം നൽകി. വിവിധ വാർഡുകളിൽ നിന്നായി എല്ലാ വിഷയങ്ങൾക്കും A+ നേടി വിജയം കൈവരിച്ച കുട്ടികളും രക്ഷിതാക്കളും പങ്കെടുത്തു.