ഗൂഗിൾ ന്യൂസിലും വാർത്തകൾ വായിക്കാം
ഇത് രാമായണമാസം ഇനി രാമായണ പാരായണത്തിന്റെ നാളുകള്‍. രാവിലെ കുളിച്ച് ശുദ്ധമായി ദീപം തെളിയിച്ച് രാമായണം തൊട്ട് വന്ദിച്ച് വായന തുടങ്ങുന്നു. കര്‍ക്കിടകമാസം അവസാനിക്കുമ്പോള്‍ രാമായണം വായിച്ച് തീര്‍ക്കണമെന്നാണ് സങ്കല്‍പ്പം. കാത്തിരിപ്പിന്റെ മാസം കൂടിയാണ് കര്‍ക്കിടകം സമൃദ്ധിയുടെ പൊന്നിന്‍ ചിങ്ങത്തിനായുള്ള കാത്തിരിപ്പ്.
കര്‍ക്കിടക മാസത്തില്‍ ചികിത്സകള്‍ പ്രത്യേകിച്ചും പ്രധാനമാണ് - അതിനാല്‍ ഒരു വ്യക്തിക്ക് ബാക്കി വര്‍ഷം ആരോഗ്യം വീണ്ടെടുത്ത് ഊര്‍ജ്ജസ്വലമായ ശരീരവും മനസും നിലനിര്‍ത്താന്‍ കഴിയുന്നു. അതുകൊണ്ടാണ് ജൂലൈ, ഓഗസ്റ്റ് മാസങ്ങളില്‍ വരുന്ന, മലയാളം കലണ്ടറിലെ അവസാന മാസമായ കര്‍ക്കിടകത്തെ പുനരുജ്ജീകരണത്തിന്റെ കാലയളവ് എന്ന് പരാമര്‍ശിക്കപ്പെടുന്നത്.
അതിനാല്‍, നമ്മുടെ ശരീരത്തിലെ മാലിന്യങ്ങളെ പുറം തള്ളുവാന്‍ സഹായിക്കുന്ന ആരോഗ്യകരമായ ചില ജീവിതശീലങ്ങള്‍ ഈ കാലത്ത് ശുപാര്‍ശ ചെയ്യപ്പെടുന്നു. കര്‍ക്കിടക കഞ്ഞി എന്നറിയപ്പെടുന്ന പരമ്ബരാഗത ഔഷധ കഞ്ഞി ഉപയോഗിക്കുന്നത് വഴി ത്രിദോഷങ്ങളെ സമതുലിതാവസ്ഥയിലേക്ക് കൊണ്ടുവരാന്‍ കഴിയും.
.jpeg)
വിറ്റാമിന്‍ സിയും ബീറ്റആ, കരോട്ടിന്‍ തുടങ്ങിയവും മുരിങ്ങയില്‍ ധാരാളമാണ്. അതുകൊണ്ടു തന്നെ അകാലനരയേയും പ്രായാധിക്യം കൊണ്ടുണ്ടാകുന്ന പ്രശ്‌നങ്ങളേയും മുരിങ്ങ ഇല്ലാതാക്കുന്നു.എന്നാല്‍ കര്‍ക്കിടകത്തില്‍ ഇലക്കറികള്‍ ഗുണം നല്‍കുമെങ്കിലും മുരിങ്ങയില കര്‍ക്കിടകത്തില്‍ നിഷിദ്ധമാണ് എന്നു പൊതുവേ പറയും.
മുരിങ്ങ വിഷം വലിച്ചെടുക്കാന്‍ കഴിയുന്ന ഒന്നാണ്. വലിച്ചെടുക്കുന്ന വിഷം തടിയില്‍ സൂക്ഷിച്ചു വയ്ക്കും. ഇതുകൊണ്ട് പണ്ടു കാലത്ത് മുരിങ്ങ കിണറ്റിന്‍ കരയിലാണ് നട്ടിരുന്നത്. കിണറ്റിലെയും പരിസരത്തെയും വിഷാശം ഇതു വലിച്ചെടുക്കുമെന്നതിനാലാണ് ഇത്. തടിയിലൂടെ തന്നെ വിഷാംശം കളയുകയും ചെയ്യുന്നു.
