ഗൂഗിൾ ന്യൂസിലും വാർത്തകൾ വായിക്കാം
ജില്ലാ വാർത്തകൾ l JULY 13 l Edited & published by: anima v
കാഞ്ഞിരപ്പള്ളി കുന്നംഭാഗം സ്‌പോര്‍ട്‌സ് സ്‌കൂള്‍ ടെണ്ടര്‍ ഘട്ടത്തിലേക്ക് കടന്നതായി ചീഫ് വിപ്പ് ഡോ.എന്‍.ജയരാജ് അറിയിച്ചു. 2024 മാര്‍ച്ച് മാസം 27.70 കോടിയുടെ ധനാനുമതി കിഫ്ബിയില്‍ നിന്ന് ലഭിച്ചിരുന്നു. ഇത് സംബന്ധിച്ച് നിയമസഭയില്‍ ചീഫ് വിപ്പ് അവതരിപ്പിച്ച സബ്മിഷന് മറുപടിയായി ധനമന്ത്രിയാണ് ഇക്കാര്യമറിയിച്ചത്. പദ്ധതിയുടെ സ്ട്രക്ചറല്‍ ഡിസൈന്‍ നിര്‍വഹണ ഏജന്‍സി തയാറാക്കി സമര്‍പ്പിച്ച് കിഫ്ബി പരിശോധിച്ചുവരുന്നു. അത് പൂര്‍ത്തിയാക്കി ഈ മാസം തന്നെ ടെണ്ടര്‍ വിളിക്കുന്നതിനുള്ള നടപടികളാണ് നടക്കുന്നത്.
.jpeg)
പ്രസ്തുത സ്ഥലത്തുള്ള പഴയ സ്‌കൂള്‍ കെട്ടിടങ്ങള്‍ പൊളിക്കുകയും മരങ്ങള്‍ മുറിച്ചുമാറ്റുന്നതും പൂര്‍ത്തിയാക്കിയിരുന്നു. നിലവിലുണ്ടായിരുന്ന പഴയ സ്‌കൂള്‍ കെട്ടിടത്തിന് പകരമായി എം എല്‍ എ ഫണ്ടില്‍ നിന്ന് 3 കോടി 70 ലക്ഷം ചെലവഴിച്ച് പുതിയ കെട്ടിടം പൂര്‍ത്തിയാക്കി. പുതിയ കെട്ടിടത്തില്‍ നിലവിലുള്ള എല്‍പി സ്‌കൂളിന്റെ 1 മുതല്‍ 4 വരെ ക്ലാസുകളും ഹൈസ്‌കൂളിന്റെ 5 മുതല്‍ 10 വരെ ക്ലാസുകളും സ്‌പോര്‍ട്്‌സ് സ്‌കൂളിന്റെ 7 മുതല്‍ 10 വരെ ക്ലാസുകളും നടത്തത്തക്ക വിധത്തിലാണ് പദ്ധതി രൂപകല്‍പന ചെയ്തിരിക്കുന്നത്.
സ്‌പോര്‍ട് സ്‌കൂള്‍ വിദ്യാര്‍ത്ഥികള്‍ ഒഴികെയുള്ള എല്ലാ ക്ലാസുകളും അതിലേക്ക് മാറ്റുകയും ചെയ്തു. സ്‌പോര്‍ട്‌സ് സ്‌കൂള്‍ നിര്‍മ്മാണം പൂര്‍ത്തിയായിക്കഴിഞ്ഞ് അതിലേക്കുള്ള പ്രവേശനം പ്രത്യേകമായി നടത്തും.
