വാഴൂർ: മാലിന്യമുക്തം നവകേരളം ഭാഗമായി വാഴൂർ ഗ്രാമപഞ്ചായത്തിൽ ശില്പശാല സംഘടിപ്പിച്ചു. മന്നം സ്മാരക ഓഡിറ്റോറിയത്തിൽ നടന്ന ശിൽപ്പശാലയിൽ ഗ്രാമപഞ്ചായത്ത് പ്രസിഡൻറ് വി പി റെജി അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡൻറ് ഡി സേതുലക്ഷ്മി സ്വാഗതം പറഞ്ഞു. തുടർന്ന് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജിജി നടുവത്താനി മാലിന്യമുക്ത പ്രതിജ്ഞ ചൊല്ലി കൊടുത്തു. മാലിന്യ മുക്തം 2.0 ക്യാമ്പയിൽ സംബന്ധിച്ച അവതരണം കില ബ്ലോക്ക് കോഡിനേറ്റർ ബി. ശ്രീകുമാർ നടത്തി.
ചർച്ചകളുടെ ക്രോഡീകരണത്തിന്റെ ഭാഗമായി ഗ്രാമപഞ്ചായത്ത് പ്രസിഡൻറ് വി.പി. റെജി മറുപടി നൽകി. മാലിന്യങ്ങൾ പൊതുസ്ഥലത്ത് കൊണ്ടുവന്ന് നിക്ഷേപിക്കുന്നതിനപ്പുറം, അവനവൻറെ മാലിന്യം അവനവൻറെ വീട്ടിൽ തന്നെ സംസ്കരിക്കുന്നതിനുള്ള ശീലം നമ്മൾ ഉണ്ടാക്കിയെടുക്കണമെന്നും പൊതുസ്ഥലങ്ങളിൽ, പൊതുവായി ചെയ്യുന്ന മിഠായി പേപ്പർ ഉൾപ്പെടെയുള്ളത് വലിച്ചെറിയാതെ അവ നമ്മൾ ഉപയോഗിച്ച ശേഷം നമ്മുടെ ബാഗുകളിൽ സൂക്ഷിച്ചു വീട്ടിൽ കൊണ്ട് സംസ്കരിക്കാൻ നമ്മൾ തയ്യാറാകണമെന്നും പ്രസിഡണ്ട് പറഞ്ഞു.
.jpeg)
ഗ്രാമപഞ്ചായത്തിലെ ഹരിത കർമ്മ സേനകളുടെ പ്രവർത്തനങ്ങളെ സംബന്ധിച്ചും അവർക്ക് നൽകുന്ന യൂസർ ഫീ യെ സംബന്ധിച്ചും വിപുലമായ ചർച്ച നടന്നു. 70% ആളുകളും പൂർണ്ണമായും പദ്ധതിയോട് യോജിക്കുകയും ബാക്കിയുള്ളവർ വിയോജിപ്പിലൂടെയുമാണ് മുന്നോട്ട് പോകുന്നതെന്നും ചർച്ചയിൽ ചൂണ്ടിക്കാട്ടി.
വ്യാപാരി വ്യവസായികളുമായി ചേർന്നുകൊണ്ട് വാഴൂർ ഗ്രാമപഞ്ചായത്തിലെ മുഴുവൻ വ്യാപാര സ്ഥാപനങ്ങളിലും പ്ലാസ്റ്റിക് ഉൽപ്പന്നങ്ങൾ യാതൊരു കാരണവശാലും പൊതു ജനങ്ങൾക്ക് കൊടുക്കാൻ പാടില്ല എന്ന് കർശനമായ നിർദ്ദേശം നൽകുമെന്നും പ്രസിഡൻറ് കൂട്ടിച്ചേർത്തു.
വാഴൂർ ഗ്രാമപഞ്ചായത്തിലെ 16 വാർഡുകളിലും നിലവിലെ സ്ഥിതി പ്രകാരം മാലിന്യം 90 ശതമാനവും നീങ്ങിയതായും പ്ലാസ്റ്റിക് ഉൽപ്പന്നങ്ങൾ വലിച്ചെറിയുന്ന ശീലങ്ങളിൽ ജനങ്ങൾക്ക് മാറ്റം വന്നതായും യോഗം വിലയിരുത്തി.
ജോയിന്റ് കൺവീനർ വി പി പുരുഷോത്തമൻ ,വിവിധ വാർഡുകളിൽ നിന്നായി വ്യാപാരി വ്യവസായി സംഘടന പ്രതിനിധികൾ, ഹരിത കർമ്മ സേന അംഗങ്ങൾ,വിവിധ സംഘടന ഭാരവാഹികൾ, ഗ്രാമപഞ്ചായത്തിൻ്റെ പരിധിയിലുള്ള സ്കൂൾ അദ്ധ്യാപകർ തുടങ്ങി നിരവധി ആളുകൾ ശില്പശാലയുടെ ഭാഗമായി.
