ഇന്ന് ഉത്രാടം. തിരുവോണം കേമമാക്കാനുള്ള ഒരുക്കത്തിലാണ് എല്ലാവരും. ഉത്രാട ദിവസം കേരളത്തിലെ നിരത്തുകളില്‍ തിരക്ക് കൂടും.ഒന്നാം ഓണമെന്നാണ് ഉത്രാട നാളിനെ വിശേഷിപ്പിക്കുന്നത്. ഉത്രാടത്തിന്റെ പിറ്റേന്ന് തിരുവോണം ആഘോഷിക്കും.തിരുവോണം ആഘോഷിക്കാന്‍ വേണ്ട സാധനങ്ങളെല്ലാം വാങ്ങിക്കൂട്ടുന്ന ദിവസമാണ് ഉത്രാട ദിവസം. അടുക്കളയിലേക്ക് വേണ്ട വിഭവങ്ങളെല്ലാം ഉത്രാട ദിവസം വീട്ടിലെത്തിക്കും. ഉത്രാട നാളിലാണ് ഏറ്റവും വലിയ പൂക്കളം ഇടേണ്ടത്. ഈ പൂക്കളം തിരുവോണ ദിവസം വരെ കാത്തുസൂക്ഷിക്കണം. തിരുവോണ ദിവസം ഈ പൂക്കളത്തിലേക്ക് തൃക്കാക്കരയപ്പനെ പ്രതിഷ്ഠിക്കും.
ശ്രദ്ധിക്കുക! ഉത്രാട ദിനം ആളുകൾ വഴിയിലേക്ക് വാഹനങ്ങൾ കൂടുതൽ ഇറക്കുന്ന ദിവസമാണ്. സാധനങ്ങൾ മേടിക്കുന്ന തിരക്കിൽ കടകൾ തപ്പുമ്പോൾ അശ്രദ്ധയിൽ അപകടങ്ങൾ ഉണ്ടാകാനുള്ള സാധ്യതകൾ ഉണ്ട്. പ്രത്യേകിച്ച് സ്കൂട്ടർ യാത്രക്കാർ വളരെ ശ്രദ്ധയോടുകൂടി വാഹനം ഓടിക്കാൻ ശ്രമിക്കണം.
ഓണം ആഘോഷിക്കണമെങ്കിൽ നമ്മൾ ശ്രദ്ധ കൊടുത്തേ പറ്റൂ.ഓണം ആഘോഷിക്കാൻ കാത്തിരിക്കുന്ന അമ്മയും, കുഞ്ഞുമക്കളും നമ്മുടെയൊക്കെ വീടുകളിൽ ഉണ്ട്. അവർക്ക് സന്തോഷം നൽകണമെങ്കിൽ, വഴിയിൽ വാഹനം ഓടിക്കുന്നത് ശ്രദ്ധയോടുകൂടി ആയിരിക്കണം. ഈ ഓണം എല്ലാവർക്കും ആഘോഷിക്കാൻ അവസരം ഉണ്ടാക്കണം. ശ്രദ്ധയോടുകൂടി കരുതലോടെ ഓണത്തെ വരവേൽക്കാം
