വാഴൂർ: വാഴൂർ കെ കെ റോഡ് ഇളപ്പുങ്കൽ ഗവൺമെൻറ് പ്രസിനും പതിനഞ്ചാം മൈലിനും ഇടയിൽ സ്വകാര്യ ബസ്സും ഓട്ടോറിക്ഷയും കൂട്ടിയിടിച്ച് അപകടം. ചങ്ങനാശ്ശേരിയിൽ നിന്ന് മുണ്ടക്കയത്തിന് പൊയ്ക്കൊണ്ടിരുന്ന സൈക്കോ ബസും കൊടുങ്ങൂർ ഭാഗത്തുനിന്ന് വന്ന ഓട്ടോറിക്ഷയും തമ്മിലാണ് കൂട്ടിയിടിച്ചത്. ഓട്ടോ ഡ്രൈവർക്ക് പരുക്കുകളോടെ മെഡിക്കൽ കോളേജിലേക്ക് കൊണ്ടുപോയി.കാനം കൊച്ചുപറമ്പിൽ വീട്ടിൽ ജോബിൻ പീറ്റർ ഓടിച്ച ഓട്ടോറിക്ഷയാണ് അപകടത്തിൽ പെട്ടത്.
കൊടുങ്ങൂർ ഭാഗത്തുനിന്നും വന്ന ഓട്ടോ ദിശ മാറി വരികയും, ചങ്ങനാശ്ശേരി ഭാഗത്തു നിന്നും വന്ന സ്വകാര്യബസ് ഓട്ടോയിൽ ഇടിക്കാതിരിക്കാൻ വെട്ടിച്ചു മാറ്റാൻ ശ്രമിച്ചെങ്കിലും വന്നിടിക്കുകയായിരുന്നു. അപകടം നടന്ന ഉടൻ തന്നെ സമീപത്ത് ആളുകൾ ഓടിക്കൂടുകയും വളരെ പ്രയാസപ്പെട്ടാണ് ഓട്ടോയിൽ നിന്ന് ജോബിയെ പുറത്തെടുത്തത്. പള്ളിക്കത്തോട് പോലീസ് സ്ഥലത്തെത്തി മേൽ നടപടികൾ സ്വീകരിച്ചു. കൂടുതൽ വിവരങ്ങൾ ലഭ്യമായിട്ടില്ല.
